„Ракаў” выйшаў у лідары польскай экстракласы
„Металург” разграміў „Дынама-Маладэчна”
У панядзелак завяршыўся трэці матч чвэрцьфінальнай серый плэй-оф Parimatch-Экстралігі, у якім „Дынама-Маладзечна” без варыянтаў саступіла жлобінскаму „Металургу” з лікам 1:6.
Лік у серыі стаў 0-3.
„Цэле” з Маеўскім узяў верх над „Алімпіяй”
У матчы 27-га тура чэмпіянату Славеніі па футболе „Цэле” ў Любляне з лікам 4:2 святкаваў перамогу над мясцовай „Алімпіяй”.
Беларускі паўабаронца гасцей Іван Маеўскі адыграў увесь матч.
„Цэле” набраў 32 ачкі і займае 7-е месца ў турнірнай табліцы.
„Ракаў” абыграў „Сталь” і ўзначаліў табліцу
„Ракув” Чэнстахова на сваім полі з лікам 2:1 нанёс паразу „Сталі” Мелец ў паядынку 25-га тура польскай футбольнай экстракласы.
Беларускі форвард Ілля Шкурын упершыню трапіў у заяўку гаспадароў, але на поле, у выніку, не выйшаў.
„Ракаў” набраў 51 ачко і выйшаў на першае месца ў турнірнай табліцы.
Дзмітрый Барысаў перайшоў з „Нафтана” ў „Смаргонь”
„Смаргонь” аб’явіла аб падпісанні кантракта з 27-гадовым беларускім абаронцам Дзмітрыем Барысавым, які пакінуў „Нафтан”.
У мінулым сезоне футбаліст правёў у складзе навапалачан 23 матчы ў першай лізе, адзначыўшыся ў іх адным забітым голам.
Дубль Бензема прынёс мадрыдскаму „Рэалу” перамогу над „Мальёркай”
Мадрыдскі „Рэал” абыграў на выездзе „Мальёрку” з лікам 3:0 у рамках 28-га тура чэмпіянату Іспаніі па футболе.
На 55-й хвіліне матчу Вінісіюс Жуніёр пасля перадачы Карыма Бензема адправіў мяч у сетку. На 77-й хвіліне Бензема рэалізаваў пенальці, прызначаны за фол супраць Вінісіуса, а яшчэ праз пяць хвілін Карым аформіў дубль пасля паса Марсэла, які выйшаў на замену.
Пасля гэтай сустрэчы „Рэал” набраў 66 ачкоў і апярэджвае „Севілью”, якая ідзе на другім месцы, на 10 ачкоў.
У матчы 29-га тура італьянскай Серыі А „Лацыё” перамог „Венецыю” 1:0.
На 58-й хвіліне сустрэчы галоўны арбітр прызначыў пенальці ў браму «Венецыі», які паспяхова рэалізаваў нападнік рымскага клуба Чыра Імобіле. „Лацыё” набраў 49 ачкоў і падняўся на 5-е месца ў турнірнай табліцы. У матчы 29-га тура англійскай Прэм’ер-лігі „Крыстал Пэлас” прымаў „Манчэстэр Сіці”. Сустрэча завяршылася нічыёй з лікам 0:0.
„Манчэстэр Сіці” набраў 70 ачкоў і займае 1-е месца ў турнірнай табліцы. У тройку лідэраў турніру ўваходзяць „Ліверпуль” 66 і лонданскі „Чэлсі” 59 ачкоў.
БФФ прыпыніла працу ў Instagram і Facebook
Асацыяцыя „Беларуская федэрацыя футбола” аб’явіла аб прыпыненні працы ў сацыяльных сетках Instagram і Facebook.
„Мы прыпыняем працу ў Instagram і Facebook да далейшага апавяшчэння. Сачыце за намі на афіцыйным сайце abff.by, а таксама ў афіцыйных акаўнтах БФФ у Youtube, VK, Twitter і TikTok, – гаворыцца ў паведамленні.
Беларускае Радыё Рацыя