Алег Жданаў: Падчас вучэнняў Беларусь абнавіла састарэлую ваенную тэхніку

У сераду завяршаюцца чарговыя вучэнні беларускага войска паблізу ад мяжы з Украінай.

Падобныя мерапрыемствы выклікаюць трывогу ў Кіеве. Між тым Міністэрства абароны Вялікабрытаніі лічыць, што баяцца на гэты раз не варта. Сітуацыю каментуе ваенны эксперт Алег Жданаў:

– Выявілася асаблівасць, што тыя практычныя дзеянні, якія адпрацоўваюць войскі на палігонах Берасцейскай і Віцебскай вобласці і ў Менскім раёне, яны паказалі наяўнасць старых узораў тэхнікі. Цалкам магчыма, што праводзячы гэтыя вучэнні на мясцовасці, яны праводзяць апрабацыю тэхнікі для далейшага выкарыстання. Хутчэй за ўсё, што гэтую тэхніку забярэ Расейская Федэрацыя.

У прыватнасці эксперт адзначыў наяўнасць на беларускіх вучэннях дзвюх састарэлых мадэляў. Гэта пасляваенны савецкі сярэдні і асноўны танк Т-72 «Урал» і ЗСУ-23-4 „Шылка” (індэкс ГРАУ – 2А6) – савецкая зенітная самаходная ўстаноўка „Шылка”, выраб якой адлічваецца з 1964 года.

Беларускае Радыё Рацыя

Artykuł Алег Жданаў: Падчас вучэнняў Беларусь абнавіла састарэлую ваенную тэхніку pochodzi z serwisu БЕЛАРУСКАЕ РАДЫЁ РАЦЫЯ.