Лукашэнка заявіў, што гатовы арганізаваць сустрэчу Байдэна і Пуціна ў Менску
Паводле Лукашэнкі, Джо Байдэн і Уладзімір Пуцін могуць правесці перамовы нават на наступным тыдні. 20-22 лютага Байдэн зробіць візіт у Польшчу.
Artykuł Лукашэнка заявіў, што гатовы арганізаваць сустрэчу Байдэна і Пуціна ў Менску pochodzi z serwisu БЕЛАРУСКАЕ РАДЫЁ РАЦЫЯ.
Аляксандр Лукашэнка сёння, 16 лютага, раптам вырашыў правесці размову з беларускімі прапагандыстамі і замежнымі журналістамі.
У прыватнасці, ён гаварыў, што нібыта Украіна рыхтавала ўдар па Беларусі незадоўга да пачатку вайны, пра тое, што Беларусь не збіраецца наносіць ядзерны ўдар па Амерыцы. Лукашэнка таксама запрасіў Байдэна ў Менск, калі той хоча міра ва Украіне.
Паводле яго слоў, Джо Байдэн і Уладзімір Пуцін могуць правесці перамовы нават на наступным тыдні. 20-22 лютага Байдэн зробіць візіт у Польшчу. Лукашэнка лічыць, што ён лёгка можа прыляцець і ў Менск, а ў гэтым выпадку „нават Пуцін падляціць”.
Аляксандр Лукашэнка заявіў, што «гатовы» зноў дазволіць Пуціну выкарыстоўваць Беларусь у якасці плацдарма для новага наступу на Украіну. Так ён адказаў на пытанне карэспандэнта BBC Стыва Розэнберга падчас прэс-канферэнцыі ў Менску.
«Таксама гатовы весці вайну разам з рускімі з тэрыторыі Беларусі, але толькі ў тым выпадку, калі хто-небудзь – нават адзін салдат – прыйдзе на нашу тэрыторыю са зброяй, каб забіваць маіх людзей», – заявіў Лукашэнка.
Лукашэнка сказаў і пра колькасць беларускага войска сёння і на выпадак вайны.
«У Беларусі ва ўмовах мірнага часу 75 тысяч у войску. Але ў некалькі этапаў пры неабходнасці ва ўмовах вайны можна нарасціць колькасць да паўмільёна».
Пры гэтым мабілізацыі, кажа Лукашэнка, у краіне не будзе.
«Мы як працавалі, так і працуем. Нашы вайскоўцы як неслі сваю службу, так і нясуць. Мабілізацыю мы ніякую не аб’яўлялі і не збіраемся яе праводзіць і аб’яўляць. Але да вайны рыхтуемся ў плане таго, каб на нас не была здзейснена агрэсія».
Artykuł Лукашэнка заявіў, што гатовы арганізаваць сустрэчу Байдэна і Пуціна ў Менску pochodzi z serwisu БЕЛАРУСКАЕ РАДЫЁ РАЦЫЯ.