«Ягелонія» рассталася з трэнерам. Сенсацыйны пераемнік

Пасля правальнай серыі клуб з Падляшша вырашыў расстацца з трэнерам Мацеем Сталярчыкам. 

Artykuł «Ягелонія» рассталася з трэнерам. Сенсацыйны пераемнік pochodzi z serwisu БЕЛАРУСКАЕ РАДЫЁ РАЦЫЯ.

Выбару ў кіраўнікоў беластоцкай „Ягелоніі” не было. Пасля правальнай серыі клуб з Падляшша вырашыў расстацца з трэнерам Мацеем Сталярчыкам. Напярэдадні беластоцкі клуб згуляў на выездзе ўнічыю з  клубам «Сталь» Мелец – 1:1. Пад кіраўніцтвам 51-гадовага трэнера «Ягелонія» здабыла толькі дзве перамогі ў апошніх 15 матчах. Яму знайшлі сенсацыйную замену. Каманду ўзначаліў Адрыян Семенец, які раней кіраваў камандай рэзервістаў. Гэта нечаканы крок, бо вопыту на такім роўні ў 31-гадовага спецыяліста няма. Апошнія гады ён працаваў у штабе трэнера Ірэніўша Мамрота. Быў яго памочнікам у „Хробры” Глогув, двойчы ў „Ягелоніі», а таксама ў «Арцы» Гдыня і ЛКС Лодзь.

Такім чынам Семенец стаў самым маладым трэнерам, які ўзначальваў каманду ў экстракласе. Ён мае ліцэнзію УЕФА A, а таксама праходзіць курс УЕФА Pro і, такім чынам, павінен мець магчымасць без праблем атрымаць часовую ліцэнзію.

Betera склала сімвалічную зборную 2-га тура вышэйшай лігі

На сайце Bet News прэзентавалі сімвалічную зборную паводле вынікаў другога тура чэмпіянату Беларусі па футболе.

У яе ўключаны: Фёдар Лапавухаў, Андрэй Рылач, Уладзіслаў Марозаў (усе — „Дынама-Мінск”), Вадзім Пігас, Ілья Калачоў, Уладзіслаў Жураўлёў („Іслач”), Кірыл Янкоўскі („Шахцёр”), Уладзіслаў Мялько (” Тарпеда”-БелАЗ), Валон Ахмедзі („Шахцёр”), Ілля Грышчанка („Энергетык”-БДУ) і Цімафей Мартынаў („Мінск”).

«Мінск» падпісаў двух камерунцаў Саагі і Фабрысе

«Мінск» падпісаў двух камерунцаў: паўабаронцу Саагі Мбі Аваха Мбі Дзенягху і абаронцу Руфіна Фабрысэ Бекано Нкоа.

Саагі ў мінулым сезоне ўжо выступаў за сталічны клуб і правёў за каманду 9 матчаў і аддаў 2 выніковыя перадачы.

Саагі згуляў 23 хвіліны ў матчы другога тура вышэйшай лігі супраць «Слуцка». Абодва камерунскія футбалісты былі ў заяўцы дублюючага складу «Мінска» на матч з аднагодкамі са «Слуцка». Саагі выйшаў у старце.

Абаронца Кузьмін адзначыўся двума асістамі ў OHL

У OHL адбылася сустрэча плэй-оф, у якой «Флінт Файрбёрдс», за які выступае беларускі абаронца Дзмітры Кузьмін, на хатняй арэне ў авертайме перамаглі «Сагіна Спірыт» з лікам 5:4. «Флінт Фаербёрдс» саступаюць у серыі – 1:2. Беларус гуляў у другой пары абароны. Кузьмін аформіў дзве галявыя перадачы, нанёс 5 кідкоў і атрымаў 2 хвіліны штрафу, пры паказчыку карыснасці «-2». У актыве беларускага абаронцы 3 матчы ў плэй-оф, 2 (0+2) ачкі, карыснасць «-4».

Шымановіч і Храмачова выйшлі ў другі круг турніру ў Багаце

У першым крузе парнага разраду на турніры катэгорыі ВТА-250 у калумбійскай Багаце беларуска-расейскі тандэм у складзе двух Ірын, Шымановіч і Храмачовай, упэўнена перайграў расейска-швейцарскі дуэт Ангеліна Габуева і Коні Перэн — 6:0, 6:2.
Матч працягваўся 46 хвілін.

Надаль не згуляе на турніры ў Монтэ-Карла

22-разовы чэмпіён „Вялікіх шлемаў” Рафаэль Надаль прапусціць „Мастэрс” у Монтэ-Карла. 11-разовы чэмпіён турніру не гуляў пасля „Australian Open” з-за траўмы сцягна.
„Я працягваю рыхтавацца ў надзеі хутка вярнуцца да спаборніцтваў”, — прыводзіць словы Надаля sports.ru.
„Мастэрс” у Монтэ-Карла стартуе 9 красавіка. Месца Надаля ў сетцы зойме Марк-Андрэа Хуслер.

Беларускае Радыё Рацыя

Artykuł «Ягелонія» рассталася з трэнерам. Сенсацыйны пераемнік pochodzi z serwisu БЕЛАРУСКАЕ РАДЫЁ РАЦЫЯ.