Трэнерам менскага “Дынама” стане спецыяліст з Расеі Дзмітрый Квартальнаў
На яго рахунку найбольшая колькасць перамог у Кантынентальнай хакейнай лізе.
Artykuł Трэнерам менскага “Дынама” стане спецыяліст з Расеі Дзмітрый Квартальнаў pochodzi z serwisu БЕЛАРУСКАЕ РАДЫЁ РАЦЫЯ.
На яго рахунку найбольшая колькасць перамог у Кантынентальнай хакейнай лізе. Квартальнаву 57 гадоў. Ён падпісаў кантракт з “Дынама” на адзін год. Да гэтага ён працаваў у клубах “Северсталь”, “Сібір”, ЦСКА, “Лакаматыў” і “Ак Барс”.
-
Фота: ak-bars.ru
Таксама ён выступаў у шматлікіх камандах як хакеіст. Раней стала вядома пра адстаўку Вудкрафта з пасады галоўнага трэнера менскага „Дынама”.
Ксенія Малашка задрафтаваная „Чыкага” з жаночай НБА
Беларуска Ксенія Малашка задрафтавана „Чыкага” з жаночай НБА. Наша суайчынніца была абрана ў трэцім раундзе, адзінаццаты пік, пад агульным 35-нумарам. Ксенія нарадзілася 12 студзеня 2000 года ў Менску, выступае на пазіцыі лёгкага форварда, рост – 183 сантыметры.
У сезоне-2022/23 наша суайчынніца правяла 32 матчы за каманду ўніверсітэта „Мідл-Тэнэсі” ў студэнцкай лізе. Ксенія ў сярэднім набірала 15,1 ачка, здзяйсняла 5,8 падборы і рабіла 1,7 перадачы.
Працэнт рэалізацыі пенальці Савіцкім – 94,7.
„Гомель” і „Нёман” згулялі ўнічыю ў матчы 3-га тура чэмпіянату краіны – 3:3. Нападнік гарадзенскага „Нёмана” Павел Савіцкі забіў 100-ы гол у вышэйшай лізе ў 307 гульнях. Ён стаў сёмым футбалістам, які дасягнуў такой сур’ёзнай мяжы. Да яго „пік-100” пакарылі: Раман Васілюк — 218 мячоў, Валерый Стрыпейкіс — 174, Віталь Радзівонаў — 145, Генадзь Блізнюк — 129, Максім Скавыш і Мікалай Януш — па 107. Што да Савіцкага, ён забіў 63 мячы ў гульнях за „Нёман” (другі вынік у гісторыі клуба пасля Дзмітрыя Каваленкі, у якога 68 галоў), 33 — за берасцейскае „Дынама” і 4 — за берасцейскі „Рух”. Савіцкі рэалізаваў 18-ы пенальці (з дзевятнаццаці ім прабітых). Сярод пенальтыстаў, якія падыходзілі да „кропкі” не менш за 19 разоў, у яго на пару з Сяргеем Куланіным, які на світанку суверэнітэту выступаў за „Лакаматыў-96” і „Нафтан-Дэвон”, самы высокі ў вышэйшай лізе працэнт рэалізацыі — 94,7, паведамляе «Прессбол».
Лісабон і Манчэстэр прымуць першыя чвэрцьфіналы футбольнай Лігі чэмпіёнаў
Першыя паядынкі чвэрцьфінальнай стадыі футбольнай Лігі чэмпіёнаў пройдуць у Лісабоне і Манчэстэры. У партугальскай сталіцы лісабонская „Бенфіка” прыме італьянскі „Інтэр”. У мінулы ўік-энд футбалісты „Бенфікі” прайгралі на сваёй арэне гасцям з „Порту” з лікам 1:2, але захавалі за сабой першае месца ў турнірнай табліцы чэмпіянату Партугаліі. Міланскі клуб на выездзе згуляў унічыю з „Салернітанай” – 1:1, зараз ён займае 5-е месца ў серыі А. У іншым матчы адзін з фаварытаў англійскай прэм’ер-лігі „Манчэстэр Сіці” згуляе на хатняй арэне з чэмпіёнам Германіі мюнхенскай” Баварыяй”. Абодва супернікі паспяхова правялі чарговыя сустрэчы сваіх нацыянальных чэмпіянатаў. Манчэстэрцы ў гасцях разграмілі „Саўтгемптан” – 4:1 і працягнулі пагоню за лідарам першынства лонданскім „Арсеналам”. Баварцы ж на выездзе адолелі „Фрайбург” з мінімальнай перавагай – 1:0 і па-ранейшаму лідыруюць у бундэслізе.
Беларускае Радыё Рацыя
Artykuł Трэнерам менскага “Дынама” стане спецыяліст з Расеі Дзмітрый Квартальнаў pochodzi z serwisu БЕЛАРУСКАЕ РАДЫЁ РАЦЫЯ.