Даніла Клімовіч закінуў 15-ю шайбу ў сезоне ў АХЛ
У ноч з серады на чацвер адбыліся чарговыя матчы рэгулярнага чэмпіянату АХЛ. "Абацфард" быў мацней за "Калгары" 2:0.
Artykuł Даніла Клімовіч закінуў 15-ю шайбу ў сезоне ў АХЛ pochodzi z serwisu БЕЛАРУСКАЕ РАДЫЁ РАЦЫЯ.
Форвард Даніла Клімавіч закінуў 15-ю шайбу ў сезоне ў АХЛ. Пры гэтым беларус вызначыўся ў другой сустрэчы запар.
У ноч з серады на чацвер адбыліся чарговыя матчы рэгулярнага чэмпіянату АХЛ. „Абацфард” аказаўся мацней за „Калгары” 2:0. У складзе пераможцаў Даніла Клімовіч згуляў у трэцім звяне. Беларус закінуў другую шайбу сваёй каманды ў матчы. Клімовіч пяць разоў кінуў па брамцы і скончыў сустрэчу з паказчыкам карыснасці „0”. Усяго ў гэтым сезоне ў Клімавіча 27 (15+12) балаў. Форвард вызначыўся ў другім матчы запар. У складзе ж „Калгары” чарговы матч правёў абаронца Ілля Салаўёў. У гульца абароны адзін кідок і дзве хвіліны штрафу ў матчы. Салаўёў згуляў 66 паядынкаў у сезоне, у якіх набраў 17 (3+14) ачкоў, адзначае афіцыйны сайт ФХБ. „Сірак’юз” на выездзе апынуўся мацней за „Юцікі” 6:4. Беларускі нападнік гасцей Ілля Усаў згуляў у цэнтры чацвёртай тройкі нападу. Форвард два разы кінуў па брамцы і скончыў матч з паказчыкам карыснасці „-1”. У 56 матчах рэгулярнага чэмпіянату на рахунку Усава 16 (4+12) ачкоў.
Гамбійскі экс-форвард „Нёмана” пяройдзе ў Д2 Казахстана
24-гадовы гамбійскі нападнік По Амар Жобэ пяройдзе ў сталічны „Жэніс” з другога дывізіёна Казахстана. Раней ён выступаў на працягу паўгода з лішкам за гарадзенскі „Нёман”. Беларускі клуб афрыканскі форвард пакінуў на днях па пагадненні бакоў.
Гаўрук плюнула ў суперніцу і атрымала дыскваліфікацыю на пяць матчаў
Брамнік „Гомеля” Вольга Гаўрук дыскваліфікаваная на пяць матчаў па выніках паядынку 1/8 фіналу жаночага Кубка Беларусі з ДЮСШ-ПалесДУ. Інцыдэнт здарыўся ў дадатковы час. На 98-й хвіліне ва ўласнай штрафной Гаўрук пасварылася з суперніцай і плюнула ў яе. За гэта яна атрымала другую жоўтую картку і была выдаленая з поля.
Цікава, што ў „Гомеля” не было запаснога брамніка, таму месца ў брамцы заняла капітан каманды Ганна Кушнерава. І яна выйграла серыю пенальці, адбіўшы тры ўдары.
Зборная Беларусі правядзе збор без легіянераў
24 красавіка стартуе навучальна-трэніровачны збор нацыянальнай каманды Беларусі па гандболе ў Менску. Зборная Беларусі правядзе збор без легіянераў. Ён працягнецца да 30 красавіка.
Галоўны трэнер Юрый Шаўцоў выклікаў не трэніровачную сесію 20 гандбалістаў з клубаў, якія прадстаўляюць чэмпіянат краіны, паведамляе прэс-служба БГК.
Самым узроставым гульцом зборнай Беларусі на гэтай сесіі будзе 26-гадовы прадстаўнік БГК Андрэй Юрынок. Падчас кэмпа магчымае правядзенне таварыскіх матчаў.
Няпомняшчы саступіў Ліжэню ў чацвёртай партыі матча за званне чэмпіёна свету
Расійскі гросмайстар Ян Няпомняшчы прайграў кітайцу Дын Ліжэню ў чацвёртай партыі матча за званне чэмпіёна свету па шахматах у Астане.
Дын Ліжэнь гуляў белымі фігурамі, Няпомняшчы — чорнымі. На 28-м ходзе расеец дапусціў сур’ёзную памылку, якая канвертавалася ў сур’ёзную перавагу кітайскага гросмайстра. Дын Ліжэнь давёў справу да перамогі. Такім чынам, лік у матчы стаў роўным – 2,5:2,5. Наступная партыя паміж Няпомняшчым і Ліжэнем адбудзецца 15 красавіка.
Беларускае Радыё Рацыя
Artykuł Даніла Клімовіч закінуў 15-ю шайбу ў сезоне ў АХЛ pochodzi z serwisu БЕЛАРУСКАЕ РАДЫЁ РАЦЫЯ.