Другі матч фінальнай серыі паміж „Нёманам” і „Металургам”
У трох папярэдніх сезонах гарадзенцы ні разу не дабіраліся да галоўнай серыі турніру. "Металург" згуляе ў вырашальнай серыі чацвёрты раз у гісторыі.
Artykuł Другі матч фінальнай серыі паміж „Нёманам” і „Металургам” pochodzi z serwisu БЕЛАРУСКАЕ РАДЫЁ РАЦЫЯ.
Сёння працягваецца фінальная серыя сезона беларускай хакейнай экстралігі. У галоўнай бітве года спаборнічаюць гарадзенскі „Нёман” і жлобінскі „Металург”.
„Нёман” – сяміразовы чэмпіён краіны. У трох папярэдніх сезонах гарадзенцы ні разу не дабіраліся да галоўнай серыі турніру. „Металург” згуляе ў вырашальнай серыі чацвёрты раз у гісторыі. Дзве спробы аказаліся паспяховымі і завяршыліся заваяваннем трафея — у 2012 і 2022 гадах. Пачатак – у 19.25 па беларускім часе.
Алістраў, Пінчук і Сапега знаходзяцца ў сферы інтарэсаў СКА
СКА з Санкт-Пецярбурга мае намер абмяркоўваць з менскім „Дынама” пытанне трансферу трох хакеістаў. Гэта нападнікі Уладзімір Алістраў і Віталь Пінчук, а таксама абаронца Сяргей Сапега.
Пра гэта паведамляе тэлеграм-канал „Хакейны Бульбаш”.
Адзначаецца, што Пінчук мае яшчэ дзейнае гадавое пагадненне з беларускім хакейным флагманам, а Сапега і Алістраў з 30 красавіка набудуць статус абмежавана свабодных агентаў.
Украінская асацыяцыя футбола павінна прыняць рашэнне па пытанні зняцця зборнай Украіны з Еўра-2024 з-за Беларусі
Рашэнне аб зняцці зборнай Украіны з адборавага турніру Еўра-2024 павінна будзе прыняць Украінская асацыяцыя футбола (УАФ). Аб гэтым заявіў намеснік міністра спорту Украіны Мацвей Бедны. Раней у пятніцу паведамлялася, што міністэрства моладзі і спорту Ўкраіны падрыхтавала загад аб забароне ўкраінскім спартоўцам удзельнічаць у адных спаборніцтвах з расейцамі і беларусамі.
Пазней у СМІ з’явілася інфармацыя, што зборная Украіны можа зняцца з кваліфікацыі Еўра-2024, бо ў ёй таксама бярэ ўдзел каманда Беларусі. Зборная Украіны гуляе ў адборавым турніры чэмпіянату Еўропы ў групе C, дзе яе супернікамі з’яўляюцца каманды Англіі, Італіі, Паўночнай Македоніі і Мальты. Зборная Беларусі выступае ў групе I разам з камандамі Швейцарыі, Румыніі, Ізраіля, Косава і Андоры. Украінская і беларуская каманда не маюць шанцаў сустрэцца адна з адной у адборы Еўра, у тым ліку і ў стыкавых матчах.
Беларускаму брамніку не далі дазволу на ўдзел у плэй-оф у чэмпіянаце Швейцарыі
Брамнік зборнай Беларусі па гандболе Вячаслаў Салдаценка прапусціў ужо тры матчы „Аміцытыі” ў чвэрцьфінальнай серыі чэмпіянату Швейцарыі з „Бернам”. У яго адсутнасць у каманды дзве паразы і адна перамога. Калі ў нядзелю „Аміцытыя” прайграе, далей пройдзе „Берн”. Калі выйграе, усё вырашыцца ў пятым матчы 20 красавіка.
Салдаценка вярнуўся ў Швейцарыю ў сакавіку пасля кароткай пабыўкі ў Катары. Ён паспеў правесці тры матчы ў рэгулярным сезоне чэмпіянату. А вось у плэй-оф Вячаслаў апынуўся па-за заяўкай.
„Яго адсутнасць не звязана з пашкоджаннем. Прычына ў іншым: швейцарская федэрацыя не дала галкіперу дазвол на выступы ў плэй-оф. Пры гэтым з боку ЕГФ прэтэнзій датычна афармлення трансферу няма. Цяпер клуб займаецца вырашэннем заявачнага пытання. Пакуль жа федэрацыя не дала дабро, Салдаценка недаступны для „Аміцытыі”, – піша BYsport.
Беларускае Радыё Рацыя
Artykuł Другі матч фінальнай серыі паміж „Нёманам” і „Металургам” pochodzi z serwisu БЕЛАРУСКАЕ РАДЫЁ РАЦЫЯ.