Тэма дня – «Беларускае пытанне»: праверка на дарогах для Еўропы
Ва Украіне зноў заблакавалі рахункі беларусаў, а літоўскі прэзідэнт Гітанас Наўседа прыраўняў грамадзянаў Беларусі да расейцаў.
Artykuł Тэма дня – «Беларускае пытанне»: праверка на дарогах для Еўропы pochodzi z serwisu БЕЛАРУСКАЕ РАДЫЁ РАЦЫЯ.
Ва Украіне зноў заблакавалі рахункі беларусаў, а літоўскі прэзідэнт Гітанас Наўседа прыраўняў грамадзянаў Беларусі да расейцаў.
Згадваюцца анекдот, які сканчаецца фразай «вы альбо крыжык здыміце, альбо майткі надзеньце».
І ўкраінскія і літоўскія палітыкі вырашаюць свае ўнутраныя праблемы. Калі ва Украіне пераследуюць беларусаў, якіх у сваёй краіне забіваюць і катуюць па турмах, значыць украінскаму грамадству так трэба – бачыць у пераследаваных сваіх ворагаў. Адпаведна палітыкі падыгрываюць свайму электарату.
Калі літоўскі прэзідэнт ідзе супраць рашэння парламента, дзе большасць выказалася за размежаванне беларускіх і расейскіх грамадзянаў, значыць літоўскаму прэзідэнту трэба папрацаваць на свой электарат. І ў дадзеным выпадку Гітанас Наўседа абірае паміж канцэпцыяй маралі і рэальнай палітыкай.
Падобныя гісторыі мы назіралі ў чэшскім і эстонскім парламентах. Там наадварот – новаабраныя дэпутаты імкнуліся пакласці на беларусаў адказнасць за суагрэсію ў кампаніі з Крамлём.
І нікому не замінала, што большасць беларусаў супраць рэжыму Лукашэнкі.
Мне могуць запярэчыць, што палітыка не бывае чыстай. Магчыма і так, але на публіку палітыка мусіць быць прынцыповай.
Згадваючы анекдот пра крыжык і майткі, мы апелюем да алгарытмаў паводзінаў. Калі вы, дэпутаты, прэзідэнты, ды іншыя прадстаўнікі ўлады, калі вы за дэмакратыю, вы наогул не можаце пераследаваць людзей паводле пашпарту.
Вас кожны раз будуць тыцкаць носам у гітлераўскую Нямеччыну. А канкрэтна ў габрэяў з пашпартамі, выдадзенымі нацыстамі. Уцекачоў ад смерці развярнулі з партоў розных кантынентаў. І людзі ўрэшце загінулі ў канцлагерах. Фармальна іх не прынялі за нацысцкія пашпарты.
Беларусам проста парыраваць напады, бо мы маем наш 2020 год. Калі камусьці выгадна бачыць у тым годзе толькі кветкі, мы маем пад рукой пошукавыя сістэмы, якія могуць нагадаць самыя розныя эпізоды Беларускага паўстання.
А літоўскаму прэзідэнту будзе асабліва карысна паглядзець як ягоныя суграмадзяне зрабілі ланцуг салідарнасці з беларусамі ад цэнтру Вільні да беларускай мяжы. Гэта больш за 30 кіламетраў жывых людзей, якія ўзяліся за рукі.
«Праверка на дарогах» – гэта калі забраны ў палон антыфашыст прыходзіў да партызанаў, і яму даюць заданне знішчыць нацысцкі патруль.
«Беларускае пытанне» – гэта праверка на вашывасць для кожнага еўрапейскага палітыка. Калі ён мусіць прадэманстраваць ці ёсць папулістам, ці дэмакратам ва ўсіх сэнсах слова.
Цалкам гук:
Севярын Квяткоўскі, Беларускае Радыё Рацыя
Artykuł Тэма дня – «Беларускае пытанне»: праверка на дарогах для Еўропы pochodzi z serwisu БЕЛАРУСКАЕ РАДЫЁ РАЦЫЯ.