Тэма дня – Узмацненне здзекаў з палітзняволеных
Пра Мікалая Статкевіча нічога невядома ўжо амаль восемдзесят дзён, а Віктар Бабарыка са шматлікімі пабоямі ў шпіталі. Звесткі пра здзекі над палітзняволенымі прыходзяць рэгулярна.
Artykuł Тэма дня – Узмацненне здзекаў з палітзняволеных pochodzi z serwisu БЕЛАРУСКАЕ РАДЫЁ РАЦЫЯ.
Пра Мікалая Статкевіча нічога невядома ўжо амаль восемдзесят дзён, а Віктар Бабарыка са шматлікімі пабоямі ў шпіталі. Звесткі пра здзекі над палітзняволенымі прыходзяць рэгулярна.
Паспрабуем здагадацца ў які бок рухаецца вычварства рэжыму Лукашэнкі.
Словы грамадска-палітычнага дзеяча Юрася Губарэвіча: «Выглядае на тое, што хада падзеяў прыспешваецца. Рэжым ужо не можа дазволіць сабе спакойна, гадамі, смакаваць пакуты сваіх ворагаў у зняволенні. Адбываецца нешта, што вядзе да ўзмацнення ціску і спробаў зламаць апанентаў?»
Гэта было не сцвярджэнне, а пытанне.
Цяпер час пытанняў.
Дыктатар Лукашэнка ва ўзросце і мае выразныя прыкметы кепскага здароўя. Сысці з жыцця і пакінуць сваіх апанентаў выйсці на свабоду, і жыць далей? Відаць не хоча.
Але ж яму апроч асабістай помсты патрэбныя і палітычныя дывідэнды. Прызнанні, пакаянні, выбачэнні. Усё тое, што падрывае дух беларусаў.
І вось людзей ламаюць, хоць жыццё за кратамі і так не цукар.
Апроч адсутнасці здароўя і прыроднага садызму, ёсць і фактар вайны. Лукашэнка ў ёй удзельнічае. І выразны поспех украінскай арміі, пра які гавораць ці не ўсе інфармацыйныя каналы, гэта тое, што натхніць беларусаў на новы віток супрацьстаяння рэжыму.
Не за гарамі будзе год, як расейцы не могуць захапіць невялікае мястэчка Бахмут.
А новая тэхніка і нованавучаныя вайскоўцы ўсё прыбываюць. Гэта ўжо поспех. Але што плануецца на нарадах у штабах розных узроўняў мы не ведаем. Можам толькі здагадвацца.
У Лукашэнкі ёсць інфармацыя расейскай выведкі. Цалкам верагодна, што нічога добрага выведка не прагназуе.
Такая вось можа быць сувязь між знаходжаннем Віктара Бабарыкі ў шпіталі і вайной ва Украіне.
Пытанні. У мяне асабіста ёсць пытанне што мы будзем рабіць з выканаўцамі злачынных загадаў. Судзіць агулам ці паасобку. Як вызначаць меру адказнасці. Шмат хто будзе казаць, што проста выконваў загад.
Таксама ёсць пытанне ці гатовыя мы псіхалагічна прыняць магчымыя ракетныя ўдары па тэрыторыі Беларусі калі краіну ўцягнуць у агрэсію супраць НАТО.
Заляцець на тэрыторыю Беларусі і шпульнуць па Польшчы ці Літве ракетай з ядзерным зарадам? Ды лёгка. І хто будзе вінаваты? Расейцы нават пытацца не будуць на дазвол.
Але фармальна атака будзе з тэрыторыі Беларусі.
Пытанні застаюцца, свет чакае адказаў ужо ў гэтым годзе.
Artykuł Тэма дня – Узмацненне здзекаў з палітзняволеных pochodzi z serwisu БЕЛАРУСКАЕ РАДЫЁ РАЦЫЯ.