Санкцыі? Французскі вытворца джыну аднавіў пастаўкі ў Расею
Pernod Ricard таксама аднавіла пастаўкі ў Расею шведскай гарэлкі Absolut, але пасля крытыкі з боку шведскіх дэпутатаў змяніла сваё рашэнне.
Artykuł Санкцыі? Французскі вытворца джыну аднавіў пастаўкі ў Расею pochodzi z serwisu БЕЛАРУСКАЕ РАДЫЁ РАЦЫЯ.
Французская кампанія Pernod Ricard, вытворца джыну Beefeater і віскі Jameson, без публічнай абвесткі аднавіла пастаўкі ў Расею, піша reform.by.
Кампанія прыпыніла пастаўкі ў сакавіку 2022 года, пасля ўварвання Расеі ва Украіну, і аднавіла іх нядаўна. У каментары парталу The Spirits Business прадстаўнік кампаніі заявіў, што пастаўкі маюць абмежаваны характар і былі адноўленыя, бо даваенныя запасы ў Расеі скончыліся. У кампаніі пры гэтым кажуць, што дзейнічаюць “у поўнай адпаведнасці з міжнароднымі санкцыямі”.
Pernod Ricard таксама аднавіла пастаўкі ў Расею шведскай гарэлкі Absolut, але пасля крытыкі з боку шведскіх дэпутатаў змяніла сваё рашэнне.
Буйны беларускі банк адмяніў дэпазіты ў далярах
БНБ-Банк паведаміў пра адмену дэпазітаў у далярах ЗША. Як адзначаецца на сайце банка, новыя правілы былі ўведзеныя з 22 красавіка. Пачынаючы з гэтага дня БНБ-Банк перастаў прымаць ад фізічных асоб тэрміновыя адзыўныя ўклады ў далярах з тэрмінам размяшчэння сродкаў 1, 2 і 3 гады. Гаворка ідзе, у прыватнасці, пра дэпазіт пад назвай “Тэрміновы (адзыўны) у валюце”.
Цяпер у БНБ-Банку даступныя варыянты дэпазітаў толькі ў дзвюх замежных валютах — у еўра і расійскіх рублях.
Да 9 Мая матэрыяльную дапамогу атрымаюць каля 10 тысяч чалавек
Як паведаміла Міністэрства працы і сацыяльнай абароны, з 26 красавіка пачалі выплачваць прымеркаваныя да 9 Мая аднаразовыя выплаты ветэранам Другой сусветнай вайны і асобам, якія пацярпелі ад яе наступстваў. Такіх у Беларусі засталося каля 10 тысяч. Аднаразовыя выплаты да 9 Мая сёлета атрымаюць у Беларусі каля 10 тысяч ветэранаў, былых вязняў канцлагераў, блакаднікаў і работнікаў тылу.
Выплаты будуць налічвацца па наступнай схеме:
– 2000 рублёў — інвалідам і ўдзельнікам вайны.., а таксама асобам, якія ўдзельнічалі ў баявых дзеяннях да 3 верасня 1945 года;
– 1100 рублёў — узнагароджаным ордэнамі і медалямі работнікам тылу ў гады вайны, блакаднікам і некаторым іншым катэгорыям;
– 850 рублёў — асобам, якія пацярпелі ад наступстваў вайны.
З бюджэту на гэтыя мэты будзе накіравана прыкладна 10 мільёнаў рублёў.
Мінус 95%: SAMSUNG мае рэкордна нізкі прыбытак
Паўднёвакарэйская карпарацыя Samsung распавяла, што ў І квартале яе агульны прыбытак скараціўся на 18%, да 63,8 трлн. вон, гэта прыкладна 47,6 мільярдаў даляраў. Пры гэтым аперацыйны прыбытак абваліўся на 95 працэнтаў, да 479 мільёнаў даляраў. І гэта самы нізкі паказнік з 2009 года.
Як піша Office Life, падзенне агульнага прыбытку прадстаўнікі кампаніі тлумачаць скарачэннем попыту, а таксама зніжэннем цэн на чыпы на фоне перавытворчасці паўправаднікоў. Тым не менш, у бліжэйшыя месяцы кампанія прагназуе аднаўленне попыту і цэн на паўправаднікі і электроніку на фоне скарачэння складскіх запасаў.
Адзначым, што нізкі попыт на чыпы і смартфоны скараціў прыбытак Samsung у 2022 годзе, але фондавы рынак адрэагаваў на гэта спакойна, паколькі кампанія загадзя папярэдзіла інвестараў пра нізкі квартальны прыбытак.
Беларускае Радыё Рацыя.
Фота мае ілюстрацыйны характар
Artykuł Санкцыі? Французскі вытворца джыну аднавіў пастаўкі ў Расею pochodzi z serwisu БЕЛАРУСКАЕ РАДЫЁ РАЦЫЯ.