Зяленскі выказаўся пра этапы перамогі
Пры гэтым Зяленскі зазначыў, што перамога для ўкраінцаў - гэта тэрыторыі.
Artykuł Зяленскі выказаўся пра этапы перамогі pochodzi z serwisu БЕЛАРУСКАЕ РАДЫЁ РАЦЫЯ.
Прэзідэнт Украіны Уладзімір Зяленскі адказаў, як перамагчы Расею на полі бою, параўнаўшы яе з пірагом, які цяжка цалкам праглынуць: „Трэба падзяліць вайну на кавалачкі, і гэта перамогі, адна за адной, часам паралельныя”.
Пры гэтым Зяленскі зазначыў, што перамога для ўкраінцаў – гэта тэрыторыі.
Тым часам, акупанты дамагліся некаторых поспехаў у Бахмуце. У прыватнасці, відэазапісы з геолакацыяй паказалі абмежаванае прасоўванне расейцаў у паўднёва-заходняй і паўночна-заходняй частках горада. Пра гэта гаворыцца ў справаздачы амерыканскага Інстытута вывучэння вайны.
Па некаторых дадзеных акупанты захапілі медычны каледж у цэнтры Бахмута і індустрыяльны каледж у паўднёвай частцы горада, а таксама праводзілі наземныя напады ля дарогі праз Хромава.
У Палку Каліноўскага, у складзе якога на баку Украіны змагаюцца беларускія добраахвотнікі, адкрыта вакансія для аўтамеханікаў. Цытата з абвесткі: «Нашы машыны павінны ездзіць і выцягваць хлопцаў з гарачых кропак. Нам не патрэбны супер-майстры. Нам патрэбны кампетэнтныя механікі, якія разумеюць што яны робяць».
Аўтамеханіку гарантуюць заробак ад 1000$, харчаванне і жыллё далёка ад зоны баявых дзеянняў. Майстра забяспечаць інструментамі, запчасткамі і расходнікамі.
Беларускае Радыё Рацыя
Artykuł Зяленскі выказаўся пра этапы перамогі pochodzi z serwisu БЕЛАРУСКАЕ РАДЫЁ РАЦЫЯ.