У Варшаве пісалі лісты палітвязням
Трэці год кожную сераду беларусы прыходзяць у Моладзевы хаб, каб напісаць лісты палітзняволеным рэжымам Лукашэнкі.
Artykuł У Варшаве пісалі лісты палітвязням pochodzi z serwisu БЕЛАРУСКАЕ РАДЫЁ РАЦЫЯ.
У Моладзевым хабе ў Варшаве ў сераду традыцыйна пісаліся лісты палітвязням. Трэці год у гэты дзень людзі з беларускай дыяспары ходзяць у хаб, каб напісаць лісты палітзняволеным рэжымам Лукашэнкі.
Хоць няма спадзеваў на адказы, кажа мадэратарка ініцыятывы «Напішы ліст палітвязню» Алена Панамарова:
-Нашы валанцёры робяць такую цяжкую, мутарную і адначасна вельмі важную справу – людзі пішуць лісты. Гэта не з’яўляецца нечым выключным у сэнсе штотыднёвай працы. Але кожны ліст мы, канешне, лічым выключным. І для чалавека, я спадзяюся, калі ён яго атрымлівае, ён таксама з’яўляецца нечым выключным і радасным.
Паводле Алены Панамаровай, адказы не прыходзяць. Хаця ўкладалі капэрты і маркі. Як кажуць палітвязні, што выйшлі на волю, лісты блакуюць наўмысна. Але ініцыятыва ў Варшаве «Напішы ліст палітвязню» будзе існаваць і людзі будуць пісаць лісты, пакуль з-за кратаў не выйдзе апошні палітвязень.
Цалкам матэрыял слухайце ў далучаным файле:
Беларускае Радыё Рацыя
Artykuł У Варшаве пісалі лісты палітвязням pochodzi z serwisu БЕЛАРУСКАЕ РАДЫЁ РАЦЫЯ.