Літоўскае СМІ апублікавала фільм пра беларускія пратэсты, людзі абурыліся, што там бачныя твары ўдзельнікаў. Пагаварылі з аўтарам стужкі
24 ліпеня літоўскі партал DELFI на сваім Youtube-канале выклаў фільм пра беларускія пратэсты 2020 году. Гэта выклікала рэакцыю ў праўладных тэлеграм-каналах і каналах, блізкіх да беларускіх сілавікоў. Там заявілі, што літоўская стужка дапаможа ў пошуках пратэстоўцаў.