Юлія Гатоўка не здолела прабіцца ў чвэрцьфінал турніру ВТА-250 у Варшаве
Беларуска саступіла прадстаўніцы Вялікабрытаніі Хітэр Уоцан — 2:6, 7:5, 1:6.
Artykuł Юлія Гатоўка не здолела прабіцца ў чвэрцьфінал турніру ВТА-250 у Варшаве pochodzi z serwisu БЕЛАРУСКАЕ РАДЫЁ РАЦЫЯ.
Беларуска саступіла прадстаўніцы Вялікабрытаніі Хітэр Уоцан — 2:6, 7:5, 1:6. Матч доўжыўся 2 гадзіны і 7 хвілін. Раней на стадыі 1/16 фіналу пакінула турнір у Варшаве Аляксандра Сасновіч.
-
© Photo: Беларуская тэнісная федэрацыя
Беларускі тэнісіст Аляксандр Згіроўскі выйшаў у 1/4 фіналу турніру серыі Challenger Tour ў Астане з прызавым фондам 40 тысяч даляраў. У 1/8 фіналу беларус за паўтары гадзіны абыграў аўстрыйца Нейла Оберляйтнера – 7:6 (7:3), 6:2.
Шкурдай выйшла ў фінал Кубка Расеі на дыстанцыі 200 м на спіне
У Казані працягваюцца спаборніцтвы адкрытага Кубка Расеі па плаванні. У ранішняй частцы праграмы беларуска Анастасія Шкурдай выйшла ў фінал дыстанцыі 200 метраў плавання на спіне з лепшым вынікам 2 хвіліны 11,06 секунды. Увечары аднаму з лідараў беларускай каманды трэба паспрачацца за ўзнагароды ў супрацьстаянні з лепшымі расейскімі плыўчыхамі. Беларус Канстанцін Курачкін складзе канкурэнцыю расейцам у заплыве на 800 метраў вольным стылем. Таксама увечары беларускія плыўцы выступяць у паўфіналах: Анастасія Куляшова (50 м; батэрфляй), Аліна Змушко, Ангеліна Малашчанка (100 м; брас), Руслан Скамарошка (50 м; вольны стыль).
Мартынаў стаў аўтарам першага гола „Авангарда” ў перадсезонні
Беларусу спатрэбілася 10 хвілін і 54 секунды для таго, каб закінуць сваю першую шайбу за „ястрабаў”. Мартынаў падпісаў кантракт з „Авангардам” тэрмінам на адзін сезон. Усю сваю кар’еру ў Кантынентальнай хакейнай лізе Ігар правёў у складзе менскага „Дынама”. Усяго ў КХЛ на яго рахунку 153 матчы і 28 (15+13) ачкоў.
Нявінскі і „Гомель” рассталіся
Кантракт скасаваны па дамове бакоў. Уладзімір Уладзіміравіч узначальваў „Гомель” са студзеня мінулага года. За гэты час „зялёна-белыя” сталі ўладальнікамі Кубка Беларусі, заваявалі пуцёўку ў Лігу канферэнцый і занялі 7-е месца ў Вышэйшай лізе мінулага сезона. Раней „Гомель” вылецеў у 1/16 фіналу Кубка Беларусі ад „Асіповічаў” з першай лігі, прайграўшы 0:1.
„Базыль” Савіцкага аказаўся сябрам, які паслязаўтра жэніцца
„Нёман” раскрыў таямніцу слова „Базыль”, якое было напісана на футболцы Паўла Савіцкага пасля гола ў браму „Бальцана” ў матчы 2-га кваліфікацыйнага раунда Лігі канферэнцый.
– Арцём і Паша – сябры з дзяцінства. Арцём быў сведкам на вяселлі Пашы. Паша з таго моманту заўсёды казаў, што вяселле Арцёма вельмі моцна чакае і правядуць яго добра. 6 гадоў прайшло – вяселле ўжо паслязаўтра, але сябар дзяцінства Паша Савіцкі з-за ўдзелу ў еўракубках не трапіць на яго. Таму, наш нападнік перадае прывітанне Арцёму: першы раз – пасля матчу з „Вадуц”, другі раз – учора падчас святкавання гола, – распавялі у групе заўзятараў „Нёмана”.
Беларускае Радыё Рацыя
Artykuł Юлія Гатоўка не здолела прабіцца ў чвэрцьфінал турніру ВТА-250 у Варшаве pochodzi z serwisu БЕЛАРУСКАЕ РАДЫЁ РАЦЫЯ.