Чаму чыноўнікі так пераймаюцца дэмаграфічнай праблемай?
Абмеркавалі гэта з "Госцяй Рацыі" - журналісткай і феміністкай Настай Захарэвіч.
Artykuł Чаму чыноўнікі так пераймаюцца дэмаграфічнай праблемай? pochodzi z serwisu БЕЛАРУСКАЕ РАДЫЁ РАЦЫЯ.
Па Беларусі пракаціліся інфармацыйныя гадзіны, падчас якіх жыхароў гарадоў і вёсак заклікалі паляпшаць дэмаграфічную сітуацыю ў краіне. Чаму чыноўнікі так пераймаюцца дэмаграфічнай праблемай? І чаму дзяржава спрабуе ўмешвацца ў прыватнае жыццё грамадзян?
На гэтыя і іншыя пытанні адказвае журналістка і феміністка Наста Захарэвіч:
-Гэта не тое, каб узяліся. Ніколі і не пераставалі за гэта брацца. Гэта вечная тэма для чыноўнікаў у Беларусі – дабівацца паляпшэння дэмаграфічнай сітуацыі пажадана без нейкіх мераў, якія рэальна будуць паляпшаць становішча дзяцей, становішча маладой сям’і, у якой нараджаецца дзіця. Больш выкарыстоўваюцца ідэалагічныя, даволі забаўныя часам, мне здаецца, меры. Але галоўнае, каб гэтыя меры абмяжоўваліся простымі размовамі чыноўнікаў. І не даходзіла да нейкіх новых абсурдных законаў. Чакаць можна любога абсурду. Я спадзяюся, што да яго ўсё ж такі не дойдзе. Мне здаецца, што ва ўладаў цяпер такі кагнітыўны дысананс, таму што расце колькасць шлюбаў, як паказвае статыстыка, а больш дзяцей асабліва не нараджаецца. Яны магчыма не разумеюць чаму. Хутчэй за ўсё, яны не хочуць прызнаваць ці разумець, што павелічэнне колькасці шлюбаў звязанае з рэпрэсіямі, з вымушанай міграцыяй, то бок, людзі часта жэняцца, каб была магчымасць бачыцца проста, пакуль хтосьці з іх сядзіць у турме. Альбо бяруцца шлюбам перад ад’ездам з Беларусі, бо пэўныя рэчы прасцей за мяжой вырашаць, калі двое людзей – гэта афіцыйная сям’я.
РР: Але на фоне прапаганды вырашэння дэмаграфічнай праблемы ў Беларусі так і не прынялі закон аб хатнім гвалце. Як гэта ўзаемазвязана?
Наста Захарэвіч: Гэта зноўку ўсё частка аднаго светапогляду, у якім сям’я павінна быць традыцыйнай, вялікай, з так званымі традыцыйнымі каштоўнасцямі, пад якімі можна разумець што заўгодна. Дзяржава яўна не зацікаўлена ў тым, каб прымаць закон аб супрацьдзеянні хатняму гвалту. Яшчэ некалькі гадоў таму быў шэраг дзяржаўных інстытуцый, якія былі гатовыя працаваць у гэтым напрамку, і міліцыя супрацоўнічала з актывісткамі. Але як гэта бывае ў Беларусі проста адным жаданнем Лукашэнкі, які панарасказваў, як ён біў сваіх дзяцей, і ўсё застопарылася. І чакаць, што будзе прыняты такі закон, пакуль Лукашэнка ва ўладзе, думаю, не выпадае. Гэта абсалютна насуперак яго бачанню свету.
Цалкам гутарку слухайце ў далучаным гукавым файле:
Беларускае Радыё Рацыя
Artykuł Чаму чыноўнікі так пераймаюцца дэмаграфічнай праблемай? pochodzi z serwisu БЕЛАРУСКАЕ РАДЫЁ РАЦЫЯ.