Як жыве зараз беларуская незалежная журналістыка?

12.09.2023 17:43

Госць Рацыі – намеснік старшыні Беларускай асацыяцыі журналістаў Барыс Гарэцкі.

Artykuł Як жыве зараз беларуская незалежная журналістыка? pochodzi z serwisu БЕЛАРУСКАЕ РАДЫЁ РАЦЫЯ.

Госць Рацыі – намеснік старшыні Беларускай асацыяцыі журналістаў Барыс Гарэцкі. Будзем размаўляць пра беларускую незалежную журналістыку, якая жыве і нават развіваецца. Пачнем размову з конкурсу “Вольнае слва”, на мінулым тыдні падводзіліся ягоныя вынікі.

РР: Ці прыпыняўся гэты конкурс на часы, крытычныя для беларускай журналістыкі ў 2021 – 2022 гадах?

Барыс Гарэцкі: Адзін год выпаў з конкурсу, бо якраз гэта быў год, калі не зразумела было, што рабіць з “экстрэмізмам”. Калі частка медыя была ўжо “экстрэмісцкімі фармаваннямі”, а другая – не. За 2021 год мы не ўручалі ўзнагародаў. Зараз гэта былі ўзнагароды за тэкст, напісаны ў 2022 годзе. Сёлета для нас было таксама вялікім выклікам, таму што мы не хочам рабіць конкурс эмігранцкім. Хоць, на жаль, па зразумелых прычынах конкурс будзе дрэйфаваць у гэты бок проста таму, што людзі ўнутры Беларусі пабойваюцца дасылаць матэрыялы на конкурс. Мы падстрахаваліся, і таму конкурс сёлета праводзіла Еўрапейская федэрацыя журналістаў афіцыйна, каб не быць павязанымі з “экстрэмісцкім фармаваннем”. Але ў любым выпадку, людзі ўнутры краіны пачынаюць менш тэкстаў дасылаць. Можа гэта звязана і з тым, што фізічна журналістаў, працуючых у Беларусі, значна менш, чым у эміграцыі.

Што тычыцца новай хвалі, тых, хто выехаў, тут якраз ёсць рост, ёсць пэўны пазітыў. Конкурс паказаў, што незалежныя медыя працягваюць рабіць класныя тэксты. Адзінае, што зараз мы жывем у час, калі, напэўна, людзі менш схільныя падаваць свае матэрыялы на конкурсы. Але конкурс мусіць захоўвацца як стандарт, як высокі паказчык журналістыкі. І таму мы думаем яго працягваць у наступным годзе разам з Еўрапейскай федэрацыяй журналістаў.

Цалкам гутарку слухайце ў далучаным гукавым файле: