Анастасія Антоненка: Усведамленне, што я – беларуска, з’явілася менавіта пасля эміграцыі
Знаходжанне больш за 7 гадоў у эміграцыі моцна паўплывала на нацыянальную свядомасць беларускі Анастасіі Антоненкі, што разам са сваім мужам жыве ў Нямеччыне.
Artykuł Анастасія Антоненка: Усведамленне, што я – беларуска, з’явілася менавіта пасля эміграцыі pochodzi z serwisu БЕЛАРУСКАЕ РАДЫЁ РАЦЫЯ.
Знаходжанне больш за 7 гадоў у эміграцыі моцна паўплывала на нацыянальную свядомасць беларускі Анастасіі Антоненкі, што разам са сваім мужам жыве ў Нямеччыне.
Тут яны пачалі вучыць беларускую мову і актыўна наведваць усе мерапрыемствы, якія ладзіць беларуская дыяспара, – падрабязней распавяла сама суразмоўца:
–Мы жывём у Мюнхене з мужам. Мы – беларусы. Я эмігрыравала ў Германію больш за сем год таму. А муж ужо больш за 20 гадоў жыве ў Германіі. Канкрэтна ў мяне такое ўсведамленне, што я – беларуска, з’явілася менавіта пасля эміграцыі. Не ведаю, магчыма, свабоды больш з’явілася, магчыма, інфармацыі больш з’явілася. Ну проста дзікае ўнутранае ўсведамленне, што я – беларуска, я – за Беларусь. Мне цікава, што адбываецца ў Беларусі. І адчуванне, што я магу штосьці змяніць, не я канкрэтна, але мы ўсе, беларусы, можам штосьці змяніць, з’явілася менавіта пасля эміграцыі. Муж пасля эміграцыі ў Германію ўжо больш за 20 гадоў таму пачаў актыўна размаўляць на беларускай мове і ў яго выключная цікаўнасць і жаданне нешта змяніць менавіта пасля эміграцыі з’явілася.
РР:На вашую думку, як, знаходзячыся ў эміграцыі, можна паўплываць на сітуацыю ў Беларусі?
Анастасія Антоненка: У першую чаргу, інфармацыйна. Проста элементарна размаўляючы з сябрамі, знаёмымі, якія засталіся ў Беларусі. Мне падаецца, што мы тут можам атрымліваць больш адкрытай інфармацыі. Яны, мне падаецца, там знаходзяцца ў нейкім вакууме. Даносіць да іх больш інфармацыі – гэта самы мінімум, які мы можам зрабіць. І адсюль нам лягчэй аказваць дапамогу тым беларусам, якім патрэбная дапамога, асабліва пасля 2020 года. Мы заўсёды ўдзельнічаем у акцыях, імкнемся дапамагчы, у нас, верагодна, больш і фінансавых магчымасцяў. Мы тут усё ж такі ў свабодным полі і аказваючы дапамогу не баімся, што за намі заўтра прыйдуць. Мы з мужам не былі ў Беларусі з 2019 года і не збіраемся ехаць, бо баімся, што пры вяртанні дадому па нас прыйдуць.
Беларуска Анастасія Антоненка дадала, што па магчымасці яна таксама цікавіцца ўсім, што адбываецца, на ўкраінскую тэму, паколькі яна не меньш важная, чым беларуская.
Цалкам гутарка ў далучаным файле:
Беларускае Радыё Рацыя
Artykuł Анастасія Антоненка: Усведамленне, што я – беларуска, з’явілася менавіта пасля эміграцыі pochodzi z serwisu БЕЛАРУСКАЕ РАДЫЁ РАЦЫЯ.