У Беластоку паказалі спектакль «Размовы з катам», яго прысвяцілі Анджэю Пачобуту і палітвязням у Беларусі
Гістарычнае таварыства імя Дануты Седзікуўны «Інкі» і тэатр імя Стэфана Ярача з Лодзі зладзілі ў Беластоку паказ спектакля «Размовы з катам» паводле Казіміра Мачарскага.
Artykuł У Беластоку паказалі спектакль «Размовы з катам», яго прысвяцілі Анджэю Пачобуту і палітвязням у Беларусі pochodzi z serwisu БЕЛАРУСКАЕ РАДЫЁ РАЦЫЯ.
Гістарычнае таварыства імя Дануты Седзікуўны «Інкі» і тэатр імя Стэфана Ярача з Лодзі зладзілі ў Беластоку паказ спектакля «Размовы з катам» паводле Казіміра Мачарскага.
Гэты паказ у тэатральнай зале КінаТон быў прысвечаны Анджэю Пачобуту і ўсім палітвязням у Беларусі. Гаворыць – Славамір Гжымкоўскі, які выконваў у пастаноўцы ролю душыцеля Варшаўскага гета Юргена Строопа:
-За нашай усходняй мяжой ідзе вайна. Можна сказаць, што гэта вынікае з аднаасобнага кіравання, за гэта адказны адзін чалавек – Уладзімір Пуцін. Маем у Беларусі таксама рэжым, бо там ёсць палітычныя вязні і апазіцыянеры, якіх кідаюць у турмы і лагеры. Гэты спектакль прысвечаны Анджэю Пачобуту, але таксама і ўсім палітычным вязням.
Спектакль «Размова з катам» апавядае пра журналіста і актыўнага ўдзельніка Варшаўскага паўстання Казіміра Мачарскага і душыцеля Варашаўскага гета генерала СС Юргена Строопа, якія ў 1949 годзе апынуліся ў адной камеры сталінскай турмы ў Варшаве. Абодва былі прыгавораныя да смяротнага пакарання. Аднак Мачарскі пазней быў памілаваны, а іх размовы са Строопам выліліся ў апавяданне і тэатральную пастаноўку.
Юрась Дзяшук, Беларускае Радыё Рацыя
Artykuł У Беластоку паказалі спектакль «Размовы з катам», яго прысвяцілі Анджэю Пачобуту і палітвязням у Беларусі pochodzi z serwisu БЕЛАРУСКАЕ РАДЫЁ РАЦЫЯ.