Пра Алеся Бяляцкага здымуць мастацкі фільм
Фільм плануе зняць каманда выдання "Маланка. Медыя".
Artykuł Пра Алеся Бяляцкага здымуць мастацкі фільм pochodzi z serwisu БЕЛАРУСКАЕ РАДЫЁ РАЦЫЯ.
На Варшаўскім кінафестывалі анансавалі праект мастацкага фільма, прысвечанага жыццю беларускага праваабаронцы, лаўрэата Нобелеўскай прэміі міру Алеся Бяляцкага.
-
Фота: Сяргей Грыц
Фільм плануе зняць каманда выдання „Маланка. Медыя”. Раней гэты калектыў прымаў удзел у працы над серыялам „Акрэсціна” Андрэя Курэйчыка.
Па словах аўтараў, у сюжэце яны будуць абапірацца на факты з біяграфіі беларускага набеліянта. Дарэчы, два тыдні таму „Маланка” ужо прэзентавала сярэднеметражны дакументальны фільм пра праваабаронцу пад назвай „Бяляцкі: Я не баюся, хай мяне баяцца”.
Алесь Бяляцкі з лета 2021 года знаходзіцца за кратамі. За дапамогу рэпрэсаваным беларусам яго асудзілі на 10 гадоў зняволення.
Беларускае Радыё Рацыя
Artykuł Пра Алеся Бяляцкага здымуць мастацкі фільм pochodzi z serwisu БЕЛАРУСКАЕ РАДЫЁ РАЦЫЯ.