Зборная Беларусі — першая каманда, якая адабрала ў швейцарцаў ачкі на арэне „Кібун Парк”
Беларусы згулялі ўнічыю з камандай Швейцарыі ў выязным матчы кваліфікацыі EURO-2024 - 3:3. Раней на стадыёне "Кібун Парк" у Санкт-Галене швейцарцы выйгралі ўсе афіцыйныя матчы: супраць Латвіі (2:1), Літвы (4:0 і 1:0), Сан-Марына (7:0). , Андоры (3:0), Ісландыі (6:0), Грузіі (1:0) і Чэхіі (2:1).
Artykuł Зборная Беларусі — першая каманда, якая адабрала ў швейцарцаў ачкі на арэне „Кібун Парк” pochodzi z serwisu БЕЛАРУСКАЕ РАДЫЁ РАЦЫЯ.
Беларусы згулялі ўнічыю з камандай Швейцарыі ў выязным матчы кваліфікацыі EURO-2024 – 3:3. Раней на стадыёне „Кібун Парк” у Санкт-Галене, дабудаваным у 2008 годзе, швейцарцы выйгралі ўсе афіцыйныя матчы: супраць Латвіі (2:1), Літвы (4:0 і 1:0), Сан-Марына (7:0). , Андоры (3:0), Ісландыі (6:0), Грузіі (1:0) і Чэхіі (2:1). Галоўны трэнер зборнай Беларусі пракаментаваў нічыю са швейцарцамі. „Сказаў рабятам у распранальні, што яны павінны выйсці з паднятай галавой. Вельмі ганаруся за іх і яны павінны ганарыцца за тую працу, якую зрабілі. Супернік – вельмі моцная каманда. У Лізе Нацый яны выбілі зборную Іспаніі. Гэтая каманда знаходзіцца на добрым узроўні. Мы можам біцца супраць любой каманды”, – дадаў Алос.
Вядомыя сем з 24 удзельнікаў фінальнай стадыі футбольнага Еўра-2024
Пасля матчаў 7-га тура адборавага турніру чэмпіянату Еўропы па футболе вядомы сем з 24 удзельнікаў фінальнай стадыі. У кваліфікацыйнай групе А ўслед за шатландцамі пуцёўку на Еўра-2024 заваявала зборная Іспаніі, якая абыграла ў Осла каманду Нарвегіі з мінімальнай перавагай – 1:0. Пасля гэтай паразы нарвежцы страцілі шанцы прабіцца ў фінал кантынентальнага першынства. У іншым матчы гэтага квінтэта футбалісты Грузіі разграмілі кіпрыётаў з лікам 4:0, забіўшы ўсе мячы ў другой палове сустрэчы. У групе D пропуск у фінальны турнір забяспечылі футбалісты зборнай Турцыі, якія абыгралі гасцей з Латвіі 4:0. Каманда Уэльса нечакана перайграла ў Кардыфе харватаў – 2:1, і зараз рэальна прэтэндуе на другую пуцёўку. Раней выхад на Еўра забяспечылі сабе зборныя Францыі, Бельгіі і Партугаліі. Гаспадар фінальнай часткі 17-га кантынентальнага першынства зборная Германіі вызвалена ад кваліфікацыі.
Герасімаў выйшаў у асноўную сетку тэніснага турніру ў Шэньчжэне
Беларускі тэнісіст Ягор Герасімаў выйшаў у асноўную сетку турніру ў кітайскім Шэньчжэне з прызавым фондам 80 тысяч даляраў. У кваліфікацыі беларус абыграў у двух сэтах інданезійца Джасціна Баркі – 7:5, 6:1. На мінулым тыдні Ягор Герасімаў дабраўся да паўфіналу папярэдніх спаборніцтваў у Шэньчжэне, пасля чаго ўзняўся з 503-й на 397-ю пазіцыю ў сусветным рэйтынгу.
Баскетбалісты „Мінска” прымуць чэмпіёна Адзінай лігі ВТБ казанскі УНІКС
Баскетбалісты „Мінска” правядуць трэці матч новага сезона Адзінай лігі ВТБ. Сёння на пляцоўцы „Мінск-Арэны” каманда Расціслава Вергуна дасць бой дзеючаму чэмпіёну Лігі казанскаму УНІКСу. У дзвюх стартавых сустрэчах новага сезона менчане пацярпелі паразы. Спачатку на хатняй арэне прайгралі клубу „Пары Ніжні Ноўгарад” 60:89, а потым саступілі ў Краснаярску мясцоваму „Енісею” – 64:73.
Еўракамісія плануе пазбавіцца ад штучных палёў да 2031 года
Як паведамляе El Confidencial, Еўракамісія ўсталявала забарону на пляцоўкі са штучным пакрыццём у рамках барацьбы з выкарыстаннем мікрапластыка. Паводле даследаванняў, найбуйнейшай крыніцай выкіду мікрапластыка з’яўляюцца палі са штучнай травой. Гаворка ідзе ў большасці выпадкаў пра пляцоўкі для гульні ў футбол, рэгбі, хакей ці паддл-тэніс. Еўропа дае васьмігадовы тэрмін на тое, каб пакласці канец гэтаму тыпу паверхняў. Для вырашэння праблемы плануецца шукаць альтэрнатыўныя матэрыялы. У сапраўдны момант разглядаюцца розныя варыянты ў выглядзе натуральных матэрыялаў, якімі можна было б замяніць гуму – напрыклад, корак здробненай драўніны і аліўкавыя косткі.
Беларускае Радыё Рацыя
Artykuł Зборная Беларусі — першая каманда, якая адабрала ў швейцарцаў ачкі на арэне „Кібун Парк” pochodzi z serwisu БЕЛАРУСКАЕ РАДЫЁ РАЦЫЯ.