Бераш кхиош зударша чохь йоккху зама белхан хан ларар хьоьху Москальковас
Балха араяла аьтто бойцуш, шен берашца чохь яьккхина зама белхан хан санна дIаязъяр хьехна Оьрсийчоьнан омбудсмено Москалькова Татьянас. ТАСС агенталло бина и хаам.
"Бераш кхиош цIахь къахьегар зудчун белхан юкъара хан санна дIалара еза аьлла хета суна", - дIахьедо Москальковас.
Ишта цо хьоьху зударшна генара болхбан магийтар а, нагахь доьзалан хьелашца доьзна и делахь. Белхан жамIаш хIуммаъ лах ца до оцу хьелаша боху Москальковас.
Оьрсийчоьнан къинхьегаман министраллехь хьалхо хааме даьккхинера, пачхьалкхехь бахархойн терахь лахлуш ду, бераш дуьненчу даха хан йолу зударий жимлуш хиларна аьлла.