Новости за 19.10.2020

Оьрсийчохь деккъа цхьа дов бен ца хилла "Новичок" дIовш даларца доьзна айдина - иза дагалоцуьйту Навальный Алексейна дIовш даларо, яздо "Важные истории" ("БIаьрла хиламаш") цIе йолчу хааман гIирсо. 1995 шеран Марсхьокху-беттан 1-чу дийнахь цIеххьана тиларчуьра а ваьлла, дарбан хIусаме вигира шен Росбизнесбанкан кабинет чуьра Кивелиди Иван. ШолгIачу дийнахь оццу хьолехь дарбан цIийне йиллира цуьнан гIоьнча Исмаилова Зара а. Пхи де даьлча бекхтакхаман гIуллакх гIаттийра прокуратуро. ДIаьвшах велира банкир а, цуьнан белхахо а. Читать дальше...

Франци кечлуш ю экстремисташ махках баха; Пресса: Кадыровн гонера нах хила тарло Нохчийчохь хирург вийнарш; Дагестанехь лаьцнарг къерахилла ша йоI хьийза а йина, ерах

Исламист хила мега аьлла шеко йолчу стага францхойн хьехархо вер толлуш керла операцеш дIахьуш ю шаьш аьлла, хаам бина Францин Iедалша.

8 шо долу йоI ша лурчах хьийза а йина, ерна къерахилла зуламца доьзна лаьцна дагестанхо. Оцу хьокъехь РИА Новости агенталло хаам бо Дагестанерчу Талламан комитетан урхаллерчу пресс-векалтанна тIе а тевжаш. "Ша Iоравоккху билгалонаш дуккха а хиларе терра, динчу зуламна къерахилла и стаг, йоI йийна меттиг зуьйчу муьрехь цо мукIарло дина оцу хьокъехь. МукIарло тIечIагIден тоьшаллаш гулдеш бу таммачаш", – боху хаамехь. 36 шо долчу Леваши юьртан вахархочунна лоцу кеп къастор ю кхело. Каспийскера Омарова Калимат яйра 2018-чу шеран аьхка... Читать дальше...

ТIаьххьарчу дийнахь-буса коронавирусах Къилбаседа Кавказехь 13 вахархо велла, цамгар хьахкаелла кхин а 781 стагах. Оьрсийчоьнан уьнна дуьхьалоечу оперативан штабан хаамца, Краснодар-махкахь велла COVID-19 цамгарх пхи стаг, Ставропол-махкхаь а, ГIебарта-Балкхаройчохь а – кхоккха. Дагестанехь – шиъ. Дийнахь- буса а, пандеми яьржичхьана а регионехь цомгуш хилла: Ставропол-мохк +170 (19076) Краснодар-мохк+102 (15909) ГIалмакхойчоь + 87 (7956) Дагестан + 86 (15030) ГIебарта-Балкхаройчоь +... Читать дальше...

Нохчийчуьрчу дарбан цIийнехь операци йина пациентка яларца доьзна, хируг Дагаев Салахь вада а вина, йиттина вийра. Лор гIорасиз а вуьсуш, елларг яра Нохчийчоьнан куьйгалхочун гонерчу цхьаьннан гергара зуда, яздо махкарчу бахархойн тоьшаллашна тIе а тевжаш, "Кавказский узел" газето. Дуьххьара Дагаев верах лаьцна кхо кIира хьалха хаам баржийра 1ADAT телеграм-канало. Паблико дийцарехь, лоьро операци еш елларг Гуьмсан кIоштара йоккха стаг ю, иза хилла Нохчийчоьнан куьйгалхочун Кадыров Рамзанан гонерчу цхьана хьаькаман йиша. Читать дальше...

Парижна гергахь ГIадужу-беттан 16-чу дийнахь вийна хьехархо Пати Самюэл дагалоцуш, гуламаш дIабаьхьина Францехь кIирандийнахь. Иза вер терроран тохаран могIарахь толлуш ду полицино. "Дуьненаюкъарчу францхойн радионо" бечу хаамца, яккхий манифестацеш хилла Париж, Лион, Бордо, Страсбург, Лилль, Нант, Марсель гIаланашкахь. Парижерчу Республикан майдана баьхкинера эзарнаш нах. Гуламехь дакъалецира Францин премьер-министра Кастекс Жана а, дешаран министра а, Парижан мэро а, бевзаш болчу кхечу политикаша а, яздо прессехь. Читать дальше...