Новости за 17.07.2021

Коронавирусан инфекцина дуьхьал вакцинаци йина бохуш, харц кехаташ духкуш хилла 63 шо долу ГихтIера Тучаев Джамалайла лаьцна Нохчийчуьрчу чоьхьарчу гIуллакхийн министралло. Лаьцначуьнца яьккхина видео инстарамерчу урхаллан сайте хIоттийна, яздо Кавказ.Реалиино. "Оцу хенахь цхьана а кепара дог дацара сан вакцинаци яйта. ХIинца кхета со, нийса суо цахиларх, ас дан дезаш дацара и. Со медик а вац, говзанча а вац. Хала хетахь а, даьлла соьгара и", - боху Тучаевс камера чу а хьоьжуш. Махкарчу кеп-кепарчу... Читать дальше...

БархI баттера 12 батте кхаччалц арахь яккха хан кхачийна Венерчу ялх полисхочунна, тIелатар дарна а, тоьшаллашца фальсификаци лелорна а, шайн йолчу бакъонел тIехбовларна а. Уьш бехкебина, 2019-чу шарахь Нохчийчуьрчу вахархочунна еттарна Вена-Фаворитен кIоштарчу казинохь. Оцу чохь хIиттиначу камераша дIаяздинарг стохка аьхка хаамийн гIирсашкахь Iорадаьлча гучуделира хиллачу инцидентах, яздо Austria Today гIирсо . Видео тIехь гуш ду, Нохчийчуьра схьаваьллачунна етташ шина полисхочо, ткъа вукхо дуьхьало ца йо. Читать дальше...

Германин малхбузехь хи дистинчул тIаьхьа беллачу нехан терахь 130-нне кхиъна, хаам бина Bild журнало. Зенаш хилла 600 сов вахархочунна. Де хьалха оцу регионехь юха а цIеххьашха телхина хенан хIоттам, догIанаш ихина. Къилбаседанера Рейн -Вестфалия федералан лаьтта тIехь хи тIедаьллачу бохамехь велла  43 стаг, кхин а 90 кхелхина Рейнладн-Пфальцехь. Де хьалха Эрфтштадт-Блессем муниципалитет дистинчу хе дӀахьулйинчул тIаьхьа алсамбевлла белларш, хи бухахь нисъелла пассажирашца цхьаьна масех машен. Читать дальше...

Масех де хьалха Неврехь охьадогIучу Терк хи чу вахначу кIентан дакъа схьакарийна, иза лийчинчу меттигна 3-4 чакхарма дехьа, хаам бина Новости агенталлана Нохчийчуьрчу орцан министралло. Урхаллан информацица, кхиазхо лаха араваьллера 256 стаг, шайлахь махкарчу орцан а, чоьхьарчу гIуллакхийн а министраллийн волонтераш а болуш, иштта тIеоьзнера 5 техника а, нека ден 6 гIирс а. "Карарчу беттан 13-чу дийнахь Невран йистехь Терка чу ваханера и кхиазхо. Цуьнца цхьана хиллачу доттагIчун ницкъ ца тоьънера цунна орцах вала... Читать дальше...

Шен берийн ден Мохьмадан бакъонашна доза тохар дехначу 33 шо долчу Церетилова Нинин иск кхочушйина ХIинжа-ГIаларчу кхело, яздо Настоящее Время телеканало. Инстаграмерчу шен сторизехь бина цо и хаам. Дас лачкъийна дIадигинера Церетилован ши бер - кIант а, йоI а, цунна алименташ тIеэгош кхо дехар чуделлачул тIаьхьта. Кировн кIоштан кхело 2020-чу шарахь аьхка сацам бира Мохьмадехьа, Церетилова "оьзда йоцуш лелаш ю", сирла-цIен басе яьхна, йоца месаш йолуш, татуировкаш яхкийтина а, пирсинг лелош аьлла, цо дIадийцича. Читать дальше...

1956 шо. 13-гIа шо ду нохчий Сибрех бахийтина. Сталин велла а даьлла 3 шо. Амма махкахдаьхна Юккъерчу Азехь а, Казахстанехь а хан токхучу къаьмнийн векалшна шайн дог дохийла ю аьлла а ца хета даймахка цIадоьрзур ду-кх шаьш аьлла. Делахь а, хийцамаш хиларан тоьшалла а хилла дIахIутту нохчий бохийначул тIаьхьа дуьххьара Казахстанан коьртачу гIалан Алма-Атан радиочухула хазийтина нохчийн а, гIалгIайн а мукъамийн историн концерт. И концерт кехат пондарца мукъам балош дIайолайо нохчийн халкъан артиста Димаев Iумара. Читать дальше...