Новости за 18.03.2022

МухIажарийн декъехь Украинера дIайоьдучу юкъанна Румынин дозанехь дIалаьцна 36 шо долу Нохчийчуьра схьаяьлла Гериханова Амина. Оцунах лаьцна Кавказ.Реалиин корреспонденте дийцира "Вайфонд" цхьакхетараллехь. Бакъоларъярхойн хаамашца, Гериханова дIалаьцна Румынин полицино Оьрсийчоьнан а, Германин а тIедилларца. "Гериханова Амина Туркойчу кхача гIерташ яра, цуьнца ворхI шо долу кIант вара – иза берийн приюте вигина. ХIинца цуьнан гергарнаш беранна тIаьхьа бахана. Гериханова Интерполаца а, Шенгенан хаамийн системехула а (SIS) лоьхуш хиллера"... Читать дальше...

Зазадоккху-беттан 16-хь министрийн кабинето Оьрсийчоь юкъаръяьккхира Европан Кхеташонна. Коьрта бакъонаш хьешар рогIера тIенислелча мехкан бахархойн аьтто хир бац Европан адамийн бакъонехула йолчу кхеле аьрзнаш дан. ЕСПЧ-н оьрсийн кхелаша бина сацамаш хийца аьтто ца хиллехь а, тайп-тайпана гIуллакхаш луьстучу юкъанна низамаш хедор цо тIечIагIдича, гIуллакх юханехьа листаран бахьана хила йиш яра. Дукхачу Къилбаседа Кавказерчу бахархошна Европера суд бакъоне сатийса йиссина тIаьххьара инстанци яра. Читать дальше...

Iилман Юсупов * * * Сихвелла воьду хьо Iаьнца уьйр тесначу новкъа, Мотталуш хьайн гIуллакх кIелдиса йиш йолуш дац. Хьан когаш кIадделла, боларехь гIелъелла шовкъ а, Ойланаш Iадаеш, угIуш ду дарделла дарц. Шийлачу хIаваан Iаьнаро шагдо хьан легаш, КIайн тIемаш даржийна, хьан дагтIе лахъелла Iарш. ТIадийна каранаш дац хIинца куьйгашна мегаш, Хьуна дан гIо доцуш, лаьтташ ю гIорийна варш. Ма халà вогIу хьо, дуьненан бурчамийн векал, Чаккхармийн луьрачу Iаткъамна яхь дIа ца луш.... Читать дальше...

Юсупов Iилман ЯЗДЕХЬА... БIаьстенан сурт дуьллуш кехатан есачу майданахь, Гайтахьа сан дагна сийна бай тIеболу хан. Со ирсе хир ву-кха, сацам бахь сатийсар дайдан ахь, Цхьа ши-кхо могIа а язбина, сатедахь сан. Яздехьа IиндагIех - ловзучех къегинчу малхаца - Дитта тIехь кхозучу, шех хилла човканан бен. Яздехьа баттах а, Iаш болчу даточу аьлханца Седарчий ир а деш, дIатоьттуш боданан пен… Сан иллин мукъамехь тосалахь безаман цIе хьайна, Яздехьа, алий а, хьуо цуьнах цецъяьлла Iа… Яздехьа... Читать дальше...

Муса Бексултанов "Цхьа некъ" Пачхьалкхана дIалуш долу даьхни вовшахтуху меттиг – йоккха аре. Гонаха йина гIуркхийн керт. Цу чохь ши-кхо бIе бежана. Царна юкъахь бугIанаш, кегий старгIанаш а. Нах, акхарой я муьлхха а (зIакара, маIаш йолу) даьхни вовшахк- хеттачохь цхьаъ къаьста, да хIуттуш – иштта ду дахаран гIиллакх, садолу хIума кхоьлличхьана. И гIиллакхаш кхузахь а хуьлу, бежанаш долчу кертахь. Цхьа бугIа къаьста хIу тоьллачарах, кхара кIега санна, цIен бос а уьдуш, овкъаран басахь ши маIа а. Читать дальше...

Бексултанов Муса Иэсан биста йисте Суна дагадогIу денош, денош а, буьйсанаш а, юха дийнан лакхенехь малхо лоьху IиндагIаш. Кертан яххашца – бIаьстенаш; га дерзина – гуьйре; тIаккха яххьаш адамийн, олхазаран тIемаш, гезгамашош, некъан таьш, акхаройн лар-сибаташ а. Юха суо а, цхьана ненан бер – къора, бIаьрзе, экама. ХIинца а го изза буьйсанаш, малхах лечкъа IиндагIаш, амма бIаьргашна хIума ца девза; хIинца а хеза, хIетахь санна, амма лерехь – кхин аьзнаш, кхин амалш, васташ кхин, жималлехь (беран хенахь) суьрташ санна, лацаделларш. Читать дальше...

Талхадов Хьамзат Дагца къамел Ма чехавехьа со, Дестечо меран бер санна, Сох даьлларг схьаала, Делахь а мел къаьхьа и. Кхул тIаьхьа сайн яккха Йисинчу ерриге ханна, Ца лаьа, дог, ахьа Сайна бан ца богIу ницкъ. Хьайл хьалхе къанвалар ХIуьттаре ян гIертар ларий, Со некъахь кIадваларх, Ма билла ахь суна бехк, Цкъа наггахь хьайн лазар Ойланехь тергалдац алий, Ларамза, лаамца Ма детта и суна тIех. ХIинца ахь ма-бохху, Со хьоьца идалац чехка, КIадбелла ас хIинццалц Нуьйр йоцуш хихкина дин. Читать дальше...

Талхадов Хьамзат Весет Цкъа мацца кхачор ду Сан некъан тача, Сан керта кхочур ю Тезетан рагI. Я воьлхуш со идарх, Кхийдорах ахча, Iожалло духур ду Суна шен гIагI. ДоIанца, даггара Куьйгаш а лаций, Вехалаш, адамаш, Аш Деле со. Со шайна везначо, БIаьрхиш а хеций, Эцалаш шаьш дезаш Къаьстинчун дог. Со шуна, адамаш, КъинтIера ваьлла, И дехар шуьга а Деш ду-кха ас. Вистхилар доцуш со Новкъахь тIехваьллехь, Гечъелаш ларамза Ас йина вас. Шайн ховха белшашна ТIетийжаш ваьхнарг, КъинтIера шу довлахь, Эрна ца вов. Читать дальше...

Зазадоккху-беттан 26-чу буса Москван хенаца 3:45 даллалц болх сацор дIадахдеш сацам бина Росавиацино. Дехкаршна кIелнисъелла Анапера, Геленджикера, Краснодарера, Ростов-на-Дону гIалара, Элистара, иштта Брянскера, Белгородера, Воронежера, Липецкера, Симферополера (Оьрсийчоьно аннексии йинчу ГIирмера) аэропорташ. ДIасакхоьхьучарна хьехна Сочера, Волгоградера, Минеральные воды гIалара, Ставрополера, Москвара аэропорташкахула альтернативе некъаш харжар. Аэропортийн болх сацор хIинца доьазза дахдеш ду ... Читать дальше...

Бакъоларъярхочун Янгулбаев Абубакаран доьзална Пачхьалкхан думан депутата Делимханов Адама массарна а хезаш тийсина кхерамийн хьокъехь таллам болон бух ца карийна Нохчийн республикехула йолчу талламан комитетан урхаллина. "ВЧК-ОГПУ" телеграмерчу каналехь билгалдаьккхина ма-хиллара, и сацам бина ЯнгулбаевгIеран доьзалера цхьамма а депутат жоьпе озор доьхуш арз дина ца хилар тидаме а эцна. Ткъа хеттарш дан а, баккъала а церан кхерамазаллина сагатдан бух хилар билгалдаккха аьтто бац, хIунда аьлча... Читать дальше...