Պիկե. Շատ ստեր են գրվել իմ և Ռամոսի մասին. մենք շատ մտերիմ ենք և լավ հարաբերություններ ունենք
«Բարսելոնայի» և Իսպանիայի հավաքականի պաշտպան Ժերար Պիկեն մամուլի ասուլիսի ընթացքում պատմել է, թե ինչպես է ինքը վերաբերվում իր և «Ռեալի» պաշտպան Սերխիո Ռամոսի միջև տեղի ունեցած կոնֆլիկտի մասին լուրերին:
Ավելի վաղ, ԶԼՄ-ները հայտնում էին, որ ֆուտբոլիստները քաղաքական հողի վրա վիճել են:
«AS»-ի հաղորդմամբ, Ռամոսը, որը հանդես է գալիս «Ռեալում», «Բարսելոնայի» պաշտպանին, որը Կատալոնիայի անկախացման ջատագովներից է, մեղադրել է Իսպանիայի հավաքականի մթնոլորտն ապակայունացնելու մեջ:
Իսպանիայի հավաքականը, հիշեցնենք, նախապատրաստվում է ԱԱ-2018-ի ընտրական փուլի վերջին երկու խաղերին` Ալբանիայի և Իսրայելի հետ.
«Շատ ստեր և խոսակցություններ են եղել իմ և Ռամոսի մասին, բայց մենք շատ մոտ ենք ,և հիանալի հարաբերություններ ունենք»,- ասել է Պիկեն: