Լոնդոնի կենտրոնում մեքենան վրաերթ է իրականացրել. կան տուժածներ
Լոնդոնի Բնության պատմության թանգարանի մոտակայքում մեքենան վրաերթի է ենթարկել մայթին կանգնած մարդկանց, որոնցից մի քանիսը վնասվածքներ են ստացել:
Ինչպես հաղորդում է BBC-ն՝ վկայակաոչելով մայրաքաղաքային ոստիկանությանը, մեկ մարդ ձերբակալվել է միջադեպից հետո: Ոստիկանների հաղորդմամբ՝ անցորդները թեթև վնասվածքներ են ստացել:
Ոստիկանությունը հետաքննություն է անցկացնում՝ պարզելու կատարվածի հանգամանքներն ու պատճառները:
Ինչպես դեպքի վայրից պատմում է թղթակիցը, մեքենան անկյունագծով հատել է փողոցն ու շարժվել մայթին կանգնած մարդկանց ուղղությամբ: