Հայտնի են Ստեփան Սարգսյանի անվան Գավաթի խաղարկության 1-ին օրվա մեդալակիրները
Վանաձորում այսօր մեկնարկել է Օլիմպիական խաղերի արծաթե մեդալակիր, Եվրոպայի չեմպիոն, Աշխարհի եռակի գավաթակիր, ազատ ոճային ըմբիշ Ստեփան Սարգսյանի անվան միջազգային մրցաշարը,- տեղեկացնում է Հայաստանի Ըմբշամարտի ֆեդերացիայի պաշտոնական կայքը:
Մրցումային առաջին օրը մրցագորգ են դուրս եկել 57, 65, 74 և 97 կգ քաշային կարգի ըմբիշները:
57 կգ քաշային կարգում մրցաշարի հաղթող է դարձել Գարիկ Բարսեղյանը: Արծաթե մեդալի է արժանացել Սամվել Հակոբյանը: Այս քաշային կարգում բրոնզե մեդալակիրներ են դարձել Նարեկ Հովհաննիսյանը և Մխիթար Գրիգորյանը:
65 կգ քաշում եզրափակչում հաղթող է դարձել Ռուսաստանի ներկայացուցիչ Ռազամբեկ Ժամալովը:
Հայաստանի ներկայացուցիչ Վալոդյա Ֆրանգուլյանը երկրորդն է: Բրոնզե մեդալակիրներ են դարձել Նարեկ Սիրունյանը և Ուսման Շախգիրևը:
74 կգ քաշային կարգում հաղթող է դարձել Ավտալդին Կենտչաձեն: Երկրորդ տեղում է Վարուժան Կաջոյանը:
Երրորդ տեղերը գրավել են Աստամազ Սանակոևը և Գիորգի Լոբջանիձեն: 97 կգ քաշային կարգում ոսկե մեդալ է նվաճել ռուս ըմբիշ Զնաուր Կոչիևը:
Արծաթե մեդալակիր է դարձել Գեորգի Գոգաևը: Երրորդ տեղերը գրավել են Բատրազ Գազաևը և Մուրազի Մչեդլիձեն:
Միջազգային մրցաշարին այս տարի մասնակցում են մոտ 100 ըմբիշներ 5 երկրներից՝ Հայաստանից, Ռուսաստանից, Ուկրաինայից, Բուլղարիայից և Վրաստան: