Սիրիական բանակը շրջափակման մեջ է առել ԻՊ-ի գրոհայիններին Դեյր Էլ Զորում
Սիրիայի կառավարական բանակն աջակիցների օգնությամբ շրջապատել է Դեյր Էլ Զոր նահանգի ալ-Մայադին քաղաքում կենտրոնացած «Իսլամական պետություն» ահաբեկչական խմբավորման գրոհայիններին:
Այս մասին հայտնում է Press TV-ն՝ նշելով, որ իսլամիստները տարածքներ են կորցնում, և նեղանում է նրանց շրջափակման տարածքը: Դեյր Էլ Զորում նրանց հենակետը վերջին խոշորագույն տարածքն է Սիրիայում, որը վերահսկում են գրոհայինները:
Սիրիական բանակը Դեյր Էլ Զորում ազատագրական արշավ է սկսել սեպտեմբերին: Ինչպես նախօրեին հաղորդվում էր, կառավարական ուժերին հաջողվել էր մտնել Մայադին քաղաք: