«Մարիայից» և «Իրմայից» հետո ԱՄՆ-ին է մոտեցել «Նեյթ» փոթորիկը. մի շարք նահանգներում տարհանում է սկսվել
Հերթական սեզոնային փոթորիկն է հասել ԱՄՆ-ի ափերին և հորդառատ անձրևներ և 140 կմ/ժամ արագությամբ քամիներ է բերել Մեքսիկական ծոցի առափնյա շրջաններ:
Ինչպես հաղորդում է BBC-ն, առաջին աստիճանի «Նեյթ» փոթորիկն ավելի թույլ է, քան «Մարիան», «Իրման», որոնց հետևանքով միլիոնավոր մարդիկ են տուժել և մի շարք կղզիներ են ավերվել Կարիբյան ավազանում: Սակայն այն ավելի արագ է շարժվում և կարող է հանգեցնել ջրհեղեղների:
Օրեր առաջ «Նեյթ» փոթորիկը ավերածություններ է իրականացրել և 25 մարդու կյանք է խլել Նիկարագուայում, Կոստա Ռիկայում և Հոնդուրասում, որտեղից հասել է Միսսիսիպիի ափերին:
Ներկա պահին տարհանում է սկսվել Լուիզիանայում, Ալաբամայում և Ֆլորիդայի որոշ շրջաններում:
Լուիզիանայի Նոր Օռլեան քաղաքում պարետային ժամ է սահմանվել տեղի ժամանակով 18:00-ից հետո: