Սերբիայի փոխվարչապետն «Օսման աղա» երգն է երգել Էրդողանի համար (տեսանյութ)
Սերբիայի առաջին փոխվարչապետ և արտաքին գործերի նախարար Իվիցա Դաչիչը թուրքերեն երգ է երգել երկիր ժամանած Թուրքիայի նախագահ Ռեջեփ Թայիփ Էրդողանի պատվին, այս մասին գրում է թուրքական Ensonhaber գործակալությունը:
Համացանցում տարածված տեսանյութում երևում է՝ ինչպես է Դաչիչը թուրքերենով կատարում «Օսման աղա» երգը, սեղանի շուրջ նստած են նաև Էրդողանի կինը՝ Էմինե Էրդողանն ու Սերբիայի նախագահ Ալեքսանդր Վուչիչն իր կնոջ՝ Թամարայի հետ:
Նախագահներն ու ընթրիքին ներկաները բուռն ծափահարություններով են արագանքել փոխվարչապետի ելույթին:
Բացի այդ, Դաչիչը կատարել է Բալկաններում տարածված, բոսնիացի կատարող Խալիդ Բեշլիչի «Միլյացկա» երգը:
Ուշագրավ է, որ բելգրադցի մուֆթին (մահմեդական հոգևոր առաջնորդ - tert.am ) ցուցադրաբար «շաբաշ» է տալիս սերբ պաշտոնյային, ինչին ներկաները նույնպես բուռն ծափողջույններով են արձագանքում: