«Տեղդ վե՛ր ընկիր». Կամո Արեյանը «Երկիր Ծիրանիի» անդամին՝ Երևանի ավագանու նիստին
Երևանի ավագանու այսօրվա արտահերթ նիստն անցավ բավականին թեժ մթնոլորտում՝ երկուստեք վիրավորանքներով։
Քննարկման էր դրված մշակույթի մի շարք գործիչների կոչումներ և բնակարաններ տալու հարցերը։
Ավագանու «Երկիր Ծիրանի» խմբակցության անդամները յուրաքանչյուր հարցի քննարկման ժամանակ իրենց դժգոհությունն էին հայտնում, թե ինչու պետք է մշակույթի գործիչներին բնակարան տրամադրվի, իսկ սոցիալապես անապահովներին՝ ոչ, կամ ի՞նչ են արել այդ գործիչները պատվավորի կոչմանն արժանանալու համար։
Սա առաջացրեց «Հայաստանի Հանրապետական կուսակցություն» խմբակցության անդամների դժգոհությունը, ովքեր տեղից ռեպլիկներ սկսեցին անել։
Տարոն Մարգարյանին Երևանը քանդելու մեջ մեղադրող ԵԾ անդամ Մարինա Խաչատրյանին Երևանի փոխքաղաքապետ Կամո Արեյանն ասաց. «Տեղդ վե՛ր ընկիր»:
Իսկ ՀՀԿ խմբակցության անդամ Լևոն Իգիթյանն էլ քննարկումների ժամանակ «Երկիր Ծիրանիի» անդամի հասցեին հնչեցրեց «բոզ» արտահայտությունը։