Հրվ. Կորեայում տեղակայված ամերիկյան հակահրթիռային համակարգերն ուղղված են Ռուսաստանի դեմ. ՌԴ ԱԳՆ
Հարավային Կորեայում տեղակայված ամերիկյան հակահրթիռային համակարգերը (THAAD) ուղղված են Ռուսաստանի ու Չինաստանի դեմ, հայտարարել է Ռուսաստանի Դաշնության արտաքին քաղաքական գերատեսչության Հյուսիսային Ամերիկայի հարցերով վարչության պետ Գեորգի Բորիսենկոն:
«Այդ միջոցները բացարձակապես ընդունակ չեն խանգարել Հյուսիսային Կորեային պատասխան հարված հասցնել իր դեմ արգեսիայի կիրառման դեպքում: Կորեական թերակղզում սահմանն այնպես է անցնում, որ Սեուլը գտնվում է հարևան պետության՝ հեռահար հրետանու գործողության շառավիղում: Իսկ THAAD համակարգերը չեն կարող որսալ հրետանու արձակած արկերը: Ըստ այդմ՝ դրանք Հյուսիսային Կորեայի պարագայում պիտանի չեն»,-ասել է Բորիսենկոն:
Պաշտոնյան հավելել է, որ Ռուսաստանի ու Չինաստանի ղեկավարությունը քաջ գիտակցում է ստեղծված իրավիճակը:
Հայտնի է, որ Չինաստանը մինչև վերջին պահը դեմ է եղել Հարավային Կորեայի տարածքում ամերիկյան հակահրթիռային համակարգերի տեղակայմանը, ինչը, ըստ Վաշինգտոնի, արվել է Փհենյանից եկող սպառնալիքի չեզոքացման համար: