Վրաստանի և ՆԱՏՕ-ի միջև համագործակցության խորացումը տարածաշրջանային անվտանգության սպառնալիք է. ՌԴ արտգործնախարարություն
Ռուսաստանի արտգործնախարարությունը Վրաստանի եւ ՆԱՏՕ-ի միջեւ համագործակցության ապագա խորացումը տարածաշրջանային անվտանգության իսկական սպառնալիք է դիտում:
Ինչպես հայտնում է ՌԻԱ Նովոստի գործակալությունը, հոկտեմբերի 10-11-ը Ժնևում Անդրկովկասի անվտանգության և կայունության շուրջ հերթական խորհրդակցություններն են տեղի ունեցել, որին մասնակցել են Աբխազիայի, Վրաստանի, Հարավային Օսիայի, ՌԴ և ԱՄՆ ներկայացուցիչները ՄԱԿ, ԵԱՀԿ եւ Եվրամիության համանախագահության ներքո:
«Ռուսաստանի, Աբխազիայի և Հարավային Օսիայի պատվիրակությունները նշել են, որ Թբիլիսիի և ՆԱՏՕ-ի միջև համագործակցության խորացումը դիտվում է որպես տարածաշրջանային անվտանգության սպառնալիք»,- նշվում է համապատասխան զեկույցում: