«Ռիք և Մորթի» սերիալի երկրպագուն իր VW Golf-ը փոխանակել է մեկ տուփ Սիչուանյան սոուսի հետ
ԱՄՆ-ում «Ռիք և Մորթի» սերիալային մուլտֆիլմի երկրպագուն իր 2000 թվականի արտադրության 4-րդ սերնդի Volkswagen Golf ավտոմեքենան փոխանակել է մուլտֆիլմի շնորհիվ հանրահայտ դարձած մեկ տուփ սոուսի հետ, որը McDonald’s-ի ցանցում միայն մեկ օր է վաճառքի հանվել:
Ինչպես հայտնում է Business Insider-ը, կարմիր «Գոլֆի» նոր տիրուհին է դարձել 23-ամյա Ռեյչել Մերին: Նրան հաջողվել է գնել սոուսը վաճառքի օրը, սակայն չի օգտագործել այն, այլ փոխարենը տուփի լուսանկարը տեղադրել է Facebook-ի էջում, որտեղ շփվում են մուլտֆիլմի երկրպագուները:
Ավտոմեքենայի նախկին սեփականատերը հայտնել է, որ ինքն ուրիշ մեքենա էլ ունի և տվել է Volkswagen Golf-ը, քանի որ նրան պետք էր Սիչուանյան սոուսի այդ տուփը:
Սիչուանյան սոուսը McDonald’s-ում հայտնվել է 1998-ին: