Իսպանիայի առաջնություն. Ռոնալդուի գոլն օգնեց Ռեալին հաղթել Խետաֆեին (տեսանյութ)
Իսպանիայի առաջնության 8-րդ տուրում Մադրիդի «Ռեալը» հյուրընկալվեց «Խետաֆեին»:
Խաղն ավարտվեց Զինեդին Զիդանի գլխավորած թիմի հաղթանակով` 2:1: Հանդիպման հաշիվը 39-րդ րոպեին բացեց Կարիմ Բենզեման: Երկրորդ խաղակեսի միջնամասում տանտերերը կարողացան հավասարեցնել հաշիվը: Գոլով աչքի ընկավ Խորխե Մոլինան:
85-րդ րոպեին հաղթական գոլը խփեց «սերուցքայինների» հարձակվող Կրիշտիանու Ռոնալդուն:
Այս խաղից հետո «Ռեալը» 17 միավորով զբաղեցրեց մրցաշարային աղյուսակի 2-րդ հորիզոնականը:
«Խետաֆե»-«Ռեալ»` 1:2
Գոլերը` Մոլինա (56) - Բենզեմա (39), Ռոնալդու (85)