Ադելի պինգվինների նոր ծնված ձագերը սատկում են սննդի պակասի պատճառով. WWF
Ադելի պինգվինների (անտարկտիկական պինգվինների ցեղատեսակ) գաղութում բնակվող ձագերից միայն երկուսին է հաջողվել ողջ մնալ զուգավորման վերջին ժամանակահատվածում, որը շրջակա միջավայրի փորձագետներն աղետալի են անվանել:
Ինչպես հաղորդում է BBC-ն, պինգվինների մյուս ձագերը սատկել են սովից: Ավելի վատ արդյունք է գրանցվել միայն 2015-ին, երբ մահացել են ցեղատեսակին պատկանող բոլոր պինգվինները:
Թռչունների մահվան պատճառը կապում են մեծ թվով սառցե ձևավորումների առկայության հետ, որոնք բնորոշ չեն այս եղանակի ավարտին: Հենց դա էլ ստիպել է պինգվիններին առավել երկարատև ճամփորդություն իրականացնել սնունդ հայթայթելու նպատակով:
Բնության պաշտպանության կազմակերպությունները կոչ են անում արտահերթ միջոցներ ձեռնարկել Անտարկտիդայի արևելյան մասում ծովային արգելոցային գոտի ստեղծելու համար: Բնության համաշխարհային հիմնադրամի (WWF) տվյալներով՝ այնտեղ մինչև 36 000 պինգվին է բնակվում: