Բասկետբոլ. Հայտնի են Մ16 առաջնության երրորդ տուրի հանդիպումների արդյունքները
Հոկտեմբերի 14-ին և 15-ին տեղի ունեցած մինչև 16 տարեկանների ՀՀ առաջնության երրորդ տուրում ԽՄՕՄՄ-ը տոնել է իր երրորդ անընդմեջ հաղթանակը` 51:36 հաշվով առավելության հասնելով «Արաբկիր խաղերի» նկատմամբ,- հաղորդում է ՀԲՖ-ի մամուլի ծառայությունը:
«Պոլիտեխնիկը» սեփական հարկի տակ 30:36 հաշվով պարտվել է «Արարատին»: «Արաբկիր» - «Աջափնյակ» հանդիպումն ավարտվել է 62:47՝ հօգուտ «Արաբկիրի»: «Գրանդ Սպորտը» ևս տոնել է իր երրորդ անընդմեջ հաղթանակը՝ այս անգամ 61:44 հաշվով հաղթելով «Վանաձորին»:
Տուրի վերիջին խաղում «Արթիկը» սեփական հարկի տակ 60:38 հաշվով առավելության է հասել «Գյումրիի» նկատմամբ: Հոկտեմբերի 16-ին մինչև 16 տարեկանների ՀՀ առաջնությունում իր առաջին հանդիպումը կանցկացնի «Արցախը»՝ մրցելով «Վանաձորի» հետ:
Հանդիպումը տեղի կունենա ժամը 15:00-ին Օլիմպավանում: