Սինգապուրում «ուրվական» ավտոմեքենան ՃՏՊ-ի պատճառ է դարձել (տեսանյութ)
Հոկտեմբերի 13-ին Սինգապուրի փողոցներից մեկում տեսաձայնագրող սարքը տեսանյութ է նկարահանել, որը շփոթմունք է առաջացրել վարորդների շրջանում: Միջադեպին անդրադարձել է New York Post-ը:
Տեսանյութում երևում է՝ ինչպես է BMW մակնիշի սպիտակ ավտոմեքենան բախվում արծաթագույն ավտոմեքենայի, որը, սակայն, դրանից առաջ դեպքի վայրում չի եղել:
Ենթադրվում է, որ արծաթագույն մեքենան տեսաձայնագրող սարքից սկզբում «թաքցված» է եղել ֆուրգոնի, այնուհետև՝ վթարի ենթարկված BMW-ի միջոցով: Արդյունքում պատրանք է ստեղծվել, թե բախումից առաջ ավտոմեքենան չի եղել ճանապարհին:
Նշվում է, որ միջադեպի հետևանքով տուժածներ չկան: