ՀՀ-ում նոր ատոմակայանի կառուցումը խնդրահարույց չէ, սակայն հարց է, թե քանի ﬔգավատ հզորությամբ ու ինչ տեխնոլոգիայով. նախարար (տեսանյութ)
Էներգետիկ ենթակառուցվածքների և բնական պաշարների նախարար Աշոտ Մանուկյանը համակարծիք չէ այն տեսակետի հետ, որ ՀՀ-ԵՄ շրջանակային համաձայնագրում խոսվում է Մեծամորի Ատոմակայանի փակման մասին: Նա իր աշխատանքային գործունեության 1 տարին ամփոփող ասուլիս ժամանակ շեշտեց, թե Ատոմակայանի փակման մասին ուղղակի խոսք չկա:
«Այնտեղ խոսք կա Ատոմակայանի գործող էներգաբլոկի ապագործարկման մասին՝ այն համատեքստում, որ Հայաստանի էներգետիկ անվտանգությունը ենթադրում է ատոմային էներգիայի՝ խաղաղ պայմաններով զարգացման հնարավորություն»,- ասաց նա:
Նախարարը շեշտեց, թե կառավարությունը մեկ անգամ չի հայտարարել, որ Ատոմակայանի գործող էներգաբլոկի ռեսուրսն անվերջ չէ:
«Այն կաշխատի այնքան, որքան կունենա ռեսուրս, և այդ ռեսուրսը կբավարարի բլոկն անվտանգ և հուսալի շահագործելու համար: Դրանից հետո այն կապագործարկվի և փոխարենը կկառուցվի նոր էներգաբլոկ: Սա ակնհայտ է, սա կառավարության դիրքորոշուﬓ է, որովհետև ատոմային էներգետիկայի՝ խաղաղ նպատակներով զարգացումը ﬔր կառավարության գերակայություններից է»,- նշեց նախարարը:
Աշոտ Մանուկյան անդրադարձավ նաև ՀՀ-ում նոր ատոմակայանի կառուցման հնարավորությանը՝ շեշտելով, թե դա Հայաստանի համար խնդրահարույց չէ, սակայն հարց է, թե քանի ﬔգավատ հզորությամբ ու ինչ տեխնոլոգիայով:
«Երկու հարցի պատասխանն էլ ﬔնք կտանք առաջիկա երկու տարիների ընթացքում: Առաջիկա երկու տարիներին ﬔնք կունենանք գիտականորեն հիﬓավորված և ՄԱԳԱՏԷ-ի ﬔր գործընկերների կողﬕց հաստատված գնահատականը, թե որքան ժամանակ ևս կարող ենք շահագործել գործող կայանը: Երկու տարվա ընթացքում ﬔնք կունենանք նաև փոքր մոդուլային ռեակտորների փորձարկման արդյունքները և կհասկանանք, թե ինչ նոր տեխնոլոգիաներ կան աշխարհում, որոնցով ՀՀ կարող է աշխատել»,- շարունակեց Մանուկյանը:
Վերջինս Ատոմակայանի փակման համատեքստում անդրադարձավ նաև էլեկտրաէներգիային սակագնի բարձրացման հնարավորությանը: Նրա դիտարկմամբ՝ սխալ է մոտեցումը, որ Էներգետիկ ենթակառուցվածքների ու բնական պաշարների նախարարությունը պետք է միջամտի սակագների ձևավորմանը:
«Եթե կառավարությունը կամ մեր նախարարությունը միջամտի էլէներգիայի սակագնի ձևավորմանը, ապա կխաթարվեն տնտեսական քաղաքականության հիմքերը: Այդ պատճառով է կառավարությունն անկախ մարմին ստեղծել՝ Հանրային ծառայությունները կարգավորող հանձնաժողով։ Օրերս Հանրային ծառայությունները կարգավորող հանձնաժողովի նախագահն ԱԺ-ում ասաց, որ սակագինը չի բարձրանա, այդ հարցին վերջնական պատասխանը կտա այդ հանձնաժողովը», ընդգծեց Աշոտ Մանուկյանը:
Միևնույն ժամանակ նախարարը շեշտեց, թե իր գնահատմամբ՝ էլէներգիայի թանկացման համար հիմքեր չկան, ավելին՝ առաջիկայում նախապայմաններ չի տեսնում:
Մանրամասները՝ տեսանյութում։