Ռուսները նախնական պատվերի շրջանակում 3 րոպեում գնել են iPhone X-ի բոլոր մոդելները (տեսանյութ)
Ամերիկյան Apple տեխնոլոգիական ընկերության iPhone-ի ամենաթանկ մոդելը՝ iPhone X-ը, հոկտեմբերի 27-ից հասանելի է նախնական պատվերի համար:
Ինչպես նշում է 9to5mac.com կայքը, 1.000 դոլարանոց սմարթֆոնի նախնական պատվերը կարելի է տալ Apple Online Store կայքում:
Մինչդեռ lenta.ru-ն հավելում է, որ ռուսական Apple Store-ի այցելուներն ընդամենը 3 րոպեում նախնական պատվեր են տվել iPhone X-ի՝ պատվերի համար հասանելի բոլոր մոդելների համար:
Հայտնի է, որ սմարթֆոնների առաջին խմբաքանակը պատվիրատուներին առաքվելու է նոյեմբերի 3-ին: Նոր iPhone X-ը հասանելի է 64 Գբ և 256 Գբ տարբերակներով:
Հիշեցնենք, որ Apple-ը նոր iPhone X-ը ներկայացրել էր սեպտեմբերի 12-ին: 5.8 դյույմանոց անկյունագծով սմարթֆոնի գլխավոր առանձնահատկությունը FaceID դիմաճանաչողական գործառույթն է: