Արկածախնդիր բրիտանացին 25 կմ ճանապարհ է անցել՝ 3 օր թռչելով փուչիկներից կապված (տեսանյութ)
Անգլիացի արկածախնդիր ճանապարհորդ Թոմ Մորգանը վերջերս անմոռանալի և շատերիս համար անհնարին փորձառություն է ձեռք բերել՝ 2438 մետր բարձրությամբ թռչելով սովորական փուչիկներից պատրաստված օդապարիկով:
Ինչպես ներկայացնում է Oddity Central-ը, Բրիստոլում գործող արկածային ճանապարհորդությունների գործակալությունն արտասովոր ուղևորություն է առաջարկում, այդ թվում և ռիկշաներով մրցավազք Հիմալայներում և մոտոցիկլետներով արշավ սառցապատ լ-ի վրա Ռուսաստանում:
Յուրաքանչյուր արկածային ճամփորդության արդյունքում ստացված գումարն ուղղվում է բարեգործության: 12 տարում նրանք 5 մլն ֆունտ ստերլինգ են հավաքել:
Նրանց առաջարկած նորագույն ճամփորդությունը եռօրյա թռիչքն է օդապարիկով, որն իրենից ներկայացնում է տասնյակ փուչիկներին ամրացված աթոռ: Մորգանն այսպիսով 25 կմ տարածություն է անցել: