აშშ-ის საგანგებო პროკურორიის რეკომენდაციით, სასამართლომ არ უნდა დააპატიმროს პრეზიდენტის ყოფილი მრჩეველი
აშშ-ის საგანგებო პროკურორმა, რობერტ მიულერმა, შუამავლობით მიმართა სასამართლოს, არ დააპატიმრონ აშშ-ის პრეზიდენტის ყოფილი მრჩეველი, მაიკლ ფლინი. ბრალდების თანახმად, ფლინმა გამოძიებას ფასეული ინფორმაცია მიაწოდა აშშ-ის 2016 წლის საპრეზიდენტო არჩევნებში რუსეთის ჩარევის თაობაზე. საგანგებო პროკურორის მიერ წარდგენილ დოკუმენტებში ნათქვამია, რომ ფლინი დაკითხეს 19-ჯერ. როგორც როიტერსი იტყობინება, დაკითხვის დროს ფლინმა გამომძიებლებს გადასცა „ახალი პრეზიდენტის გარდამავალი გუნდის და რუსეთის მთავრობის მოხელეების ურთიერთქმედების შინაარსის და ვითარების თაობაზე ინფორმაცია“. ფლინს განაჩენი უნდა გამოუტანონ 18 დეკემბერს კოლუმბიის ოლქის სასამართლოში. მან პრეზიდენტ ტრამპის მრჩეველად იმუშავა 24 დღე. მისი განთავისუფლების მიზეზი გახდა სკანდალი, რომელიც რუსეთის ყოფილ ელჩ სერგეი კისლიაკთან მის შეხვედრას უკავშირდება. ერთი წლის წინ ფლინმა აღიარა, რომ იცრუა გამოძიების ფედერალური ბიუროს წინაშე, რომ არ განუხილავს კისლიაკთან აშშ-ის სანქციების თემა. ფლინი ტრამპის ადმინისტრაციის ჯერ-ჯერობით ერთადერთი თანამშრომელია, რომელმაც აღიარა დანაშაული ტრამპის შტაბის კრემლთან შეთქმულების შესაძლებლობის შესახებ. ამ საქმეს მიულერის გუნდი იძებს. ტრამპი უარყოფს თავის წინასაარჩევნო შტაბის ყოველგვარ შეთქმულებას რუსეთთან. თუ ფლინს დანაშაული დაუმტკიცა, მას ექვს თვემდე პატიმრობა ემუქრება. სასამართლოს შეუძლია მას პირობითი სასჯელი მიუსაჯოს.