პუტინი: აშშ-ის გეგმა, გავიდეს საშუალო რადიუსის რაკეტების ხელშეკრულებიდან „უგუნურობაა“

რუსეთის პრეზიდენტმა ვოლადიმრ პუტინმა, განაცხადა, რომ აშშ-ის გეგმა, გავიდეს საშუალო რადიუსის რაკეტების ხელშეკრულებიდან „უგუნურობაა“ და გაფრთხილება გამოთქვა, რომ მოსკოვივაშინგტონის მაგალითს მიბაძავს და დატოვებს 1987 წელს დადებულ ხელშეკრულებას აშშ-სა და საბჭოთა კავშირს შორის მცირე და საშუალო რადიუსის ბირთვული რაკეტების განადგურების შესახებ. პუტინს რეაქცია მოჰყვა აშ-ის სახელმწიფო მდივნის, მაიკ პომპეოს განცხადებას ნატოს შეხვედრაზე ბრიუსელში, რომ აშშ აღარ დაიცავს საშუალო რადიუსის ბირთვული იარაღის შესახებ ხელშეკრულებას (INF), თუ რუსეთი არ შეწყვეტს მის დარღვევას. საამისოდ მოსკოვს 60 დღე მისცეს. პუტინმა განცხადება გააკეთა 5 დეკემბერს მას მერე, რაც საგარეო საქმეთა სამინისტრომ გამოაცხადა, რომ მიიღო ოფიციალური შეტყობინება ვაშინგტონიდან იმის თაობაზე, რომ აშშ აპირებს ცივი ომის პერიოდში საბჭოთა კავშირთან დადებული ორმხრივი ხელშეკრულებიდან გავიდეს, თუ მოსკოვი შეთანხმების პირობების შესრულებას არ გააგრძელებს. პუტინის თქმით, აშშ-ს სურს რუსეთი „განტევების ვაცად“ აქციოს და გამოიყენოს საშუალო რადიუსის რაკეტების ხელშეკრულების გაუქმების მიზნით, რასაც ხელშეკრულების დარღვევაში მოსკოვის დადანაშაულებით ცდილობს. „მოსკოვში, პუტინმა ჟურნალისტებს უთხრა, რომ „ეძებენ ვინმეს, რთაა დაადანაშაულონ ამ უგუნური ნაბიჯის გადადგმაში“.აშშ-ისთვის „იოლია“ თქვას, რომ „რუსეთია დამნაშავე“, თქვა პუტინმა, ეს ასე არ არის, ჩვენ, ამ ხელშეკრულების გაუქმების წინააღმდეგი ვართ“. „რა იქნება ჩვენი პასუხი? უმარტივესი: იმავეს გავაკეთებთ, თქვა რუსეთის პრეზიდენტმა და მიანიშნა, რომ რუსეთიღარ დაიცავს ხელშეკრულების პირობებს, თუ აშშ გავა შეთანხმებიდან. აშშ აცხადებს, რომ რუსეთი უკვე არღვევს ხელშეკრულებას. ერთობლივ განცხადებაში ნატოს საგარეო საქმეთა მინისტრებმა დაიჩივლეს, რომ რუსეთმა „ განავითარა და განათავსა სარაკეტო სისტემა, 9M729, რაც არღვევს საშუალო და მცირე რადიუსის ბირთვული რაკეტებისხელშეკრულებას და მუქარას წარმოადგენს ევრო-ატლანტიკური უსაფრთხოებისთვის“. რუსეთი თვლის, რომ ამ სისტემით ხელშეკრულება არ ირღვევა. რუსეთის საგარეო საქმეთა სამინისტროს წარმომადგენელმა, მარია ზახაროვამ მოსკოვში, 5 დეკემბერს,რეპორტიორებს უთხრა, რომოფიციალური ხელშეკრულება ეყრდნობა გაურკვეველ მტკიცებულებას, თითქოს, რუსეთი არღვევდეს 1987 წელს დადებულ, საშუალო და მცირე რადიუსის ბირთვული რაკეტების ხელშეკრულებას (INF). „რუსულმა მხარემ არაერთხელ განაცხადა, რომ ეს არის, სულ მცირე სპეკულაცია“, თქვა ზახაროვა აშშ-ის ბრალდების თაობაზე. „ჩვენთვის, აშშ-ის პოზიციის დამადასტურებელი მასალა არ წარმოუდგენიათ, განაცხადა საგარეო უწყებისწარმომადგენელმა. მისითქმით, რუსეთი ყოველთვის სცემდა პატივს ამ ხელშეკრულებას, რომელსაც მიიჩნევს სტრატეგიული სტაბილურობის და „საერთაშორისო უსაფრთხოების“ერთ-ერთ უმთავრეს საფუძვლად.რუსეთის შეიარაღებული ძალების გენერალური შტაბის მეთაურმა, ვალერი გერასიმოვმაუცხო სახელმწიფოების სამხედრო ატაშეებს 5 დეკემბერს განუცხადა, რომ ხელშეკრულებიდან აშშ-ის გასვლა „იქნებოდა სახიფათო ნაბიჯი, რომელმაც შეიძლება უარყოფითად იმოქმედოს არა მხოლოდ ევროპის არამედ საერთო სტრატეგიულ სტაბილურობაზე“. რუსეთის პრეზიდენტის, ვლადიმირ პუტინის წარმომადგენელმა, დმიტრი პესკოვმა განაცხადა, რომ აშშ-ის ულტიმატუმი „ვითარების გამწვავებაა“. 5 დეკემბრის განცხადებაში, პესკოვმა ვაშინგტონს ბრალად დადო „ფაქტების მანიპულირებაში... რათა შენიღბოს აშშ-ისნამდვილი მიზანი, გავიდეს ხელშეკრულებიდან“.