გიორგი ვაშაძე პეტრო პოროშენკოს საარჩევნო შტაბისთვის იმუშავებს
ოპოზიციური გაერთიანების, “ძალა ერთობაშია”-ს, შტაბის ხელმძღვანელი გიორგი ვაშაძე უკრაინის პრეზიდენტის, პეტრო პოროშენკოს საარჩევნო შტაბისთვის იმუშავებს 2019 წლის მარტის საპრეზიდენტო არჩევნებში.
როგორც ტელეკომპანია “მაესტრო” იტყობინება, ვაშაძის თქმით, მას უკრაინაში გადასვლას სთავაზობდნენ, მაგრამ ამაზე უარი თქვა და საქართველოდან დაეხმარება პოროშენკოს შტაბს.
გიორგი ვაშაძე 2017 წელს იყო პოროშენკოს მრჩეველი. 2012 წელს იგი საქართველოს პარლამენტის წევრი გახდა ერთიანი ნაციონალური მოძრაობის სიით. 2016 წლის საპარლამენტო არჩევნების წინ დააარსა პარტია “ახალი საქართველო”.
უკრაინაში საპრეზიდენტო არჩევნები 2019 წლის 31 მარტისთვისაა დაგეგმილი. პრეზიდენტს 5-წლიანი ვადით ირჩევენ. 2019 წლის შემოდგომაზე გაიმართება საპარლამენტო არჩევნებიც.