Новости за 08.08.2020

ახმეტაში, სოფელ ქვემო ალვანში, საქართველოს ეროვნული გმირის, გიორგი ანწუხელიძის სახელობის სკვერში შეიკრიბნენ მისი თანასოფლელები, ოჯახის ნათესავები, ადგილობრივი ხელისუფლებისა და ოპოზიციური პარტიების წარმომადგენლები. მათ მემორიალი გვირგვინით შეამკეს. საქართველოს შეიარაღებული ძალების სამხედრო მოსამსახურე, მე-4-ე ქვეითი ბრიგადის 41-ე ბატალიონის უმცროსი სერჟანტი გიორგი ანწუხელიძე 2008 წლის აგვისტოში, რუსმა და ოსმა სამხედროებმა ცხინვალში წამებით მოკლეს. ანწუხელიძის ცხედრის გადმოსვენება 2008 წლის ნოემბერში მოხერხდა. Читать дальше...

გასული 24 საათის განმავლობაში, საქართველოში ლაბორატორიულად დადასტურდა კორონავირუსის 3 ახალი შემთხვევა. ინფიცირებულთა საერთო რიცხვი 1216-მდე გაიზარდა. სამთავრობო საიტ stopcov.ge-ზე 7 აგვისტოს, დილით განახლებული მონაცემებით, კორონავირუსისგან განიკურნა კიდევ 2 პაციენტი. სულ გამოჯანმრთელებულია 996. საქართველოში COVID-19-ით გარდაცვლილია 17 ადამიანი. 8 აგვისტოს დილის მონაცემებით, კარანტინის რეჟიმშია 7166 და სტაციონარში მეთვალყურეობის ქვეშ - 282.

რუსთავში, გვიან ღამით, გმირთა მემორიალის ტერიტორიაზე რუსეთ-საქართველოს ომში დაღუპულები  გაიხსენეს. ტერიტორია საქართველოს სახელმწიფო დროშებით მოირთო, სპეციალურად დამონტაჟებულ მონიტორზე კი 2008 წლის აგვისტოს ომის ამსახველი ვიდეოკადრები და დაღუპული რუსთაველი სამხედროების ფოტოები უჩვენეს. მანათობელი სანთლებით მოიხატა საქართველოს რუკა, ცაში წითელი ფრანები გაუშვეს. ღონისძიებაში მონაწილეობდნენ ომის ვეტერანები, გარდაცვლილი მეომრების ოჯახის წევრები, მეგობრები, ადგილობრივი ხელისუფლების წარმომადგენლები. Читать дальше...

1929-1940 წლებში საბჭოთა კავშირში რამდენჯერმე გატარდა კალენდრის რეფორმა, რომელიც ძირითადად ნაკარნახევი იყო როგორც საწარმოო საჭიროებებით, ასევე საბჭოთა მოქალაქის ცხოვრების განსხვავებული წესით. საქართველოშიც, ძველი კალენდრის მიხედვით, დასვენების დღეს - კვირას - რელიგია განსაზღვრავდა, საბჭოთა კავშირში კი მუშის რეგლამენტირებული შრომა (და დასვენება) პარტიის გენერალური კურსისა და ბრძოლით მოპოვებული უფლებების ნაწილი იყო. „სულ სხვაა საბჭოთა ქვეყანა. აქ დიდი ხანია რელიგიას აეგო ანდერძი და ცრუმორწმუნეობისგან განიტვირთა ქვეყანა. Читать дальше...

საქართველოს ფიგურული ციგურაობის ფედერაციის პრეზიდენტი მაკა გიორგობიანი და ძიოდოს საერთაშორისო ფედერაციის ოფიციალური კომენტატორი გიორგი ჭანიშვილი საუბრობენ მომავალი სავარაუდო ასპარეზობებისათვის ჩვენი სპორტსმენების მზადების მიმდინარეობაზე; გასული საუკუნის 70-იანი წლების ბოლოს სახელოვან მწვრთნელთან - სულიკო თორთლაძესთან ინტერვიუს ჩანაწერის ფრაგმენტები სპორტის მოყვარულებს შეახსენებს ქუთაისური კალათბურთის ისტორიის საინტერესო ეპიზოდებს.

მადრიდის „რეალი“ და ტურინის „იუვენტუსი“ უეფას ჩემპიონთა ლიგას გამოეთიშნენ. ევროპის უმთავრესი საკლუბო ტურნირი წუხელ განახლდა, თითქმის ხუთთვიანი, იძულებითი პაუზის შემდეგ და მერვედფინალური ეტაპის ორი საპასუხო მატჩი გაიმართა. „რეალი“ „მანჩესტერ სიტის“ სტუმრად დაუპირისპირდა და პირველი თამაშის მსგავსად, ისევ დამარცხდა ანგარიშით 1:2. „იუვენტუსმა“ საფრანგეთის „ლიონს“ უმასპინძლა და მოუგო - 2:1, მაგრამ მომდევნო ეტაპზე გასასვლელად ეს გამარჯვება არ ეყო, რადგან პირველი მატჩი მინიმალური ანგარიშით ჰქონდა წაგებული. Читать дальше...