აშშ-ს სურს, გააფართოვოს საერთაშორისო მხარდაჭერა ირანთან მზარდი დაძაბულობის ფონზე
აშშ-ის თავდაცვის მინისტრის მოვალეობის შემსრულებელმა, პატრიკ შანაჰანმა განაცხადა, რომ ვაშინგტონი ცდილობს, გაიზარდოს საერთაშორისო მხარდაჭერა და შემუშავდეს გეგმა გაუთვალისწინებელ გარემოებებში ვითარების გაუარესების შემთხვევაში, ომანის ყურეში ორ ტანკერზე თავდასხმის შემდეგ.
თავდასხმებში აშშ ირანს ადანაშაულებს.
თუ ვითარებას შეხედავთ, ეს იყო ნორვეგიის გემი, იაპონიის გემი, საუდის არაბეთი, არაბთა გაერთიანებული საამიროები, - მსოფლიოს ნავთობის 15 პროცენტი ჰორმოზის სრუტის გავლით გადაიზიდება, უთხრა შანაჰანმა ჟურნალისტებს 14 ივნისს. „ აშშ-ს სჭირდება უფრო ფართო (საერთაშორისო) მხარდაჭერა ამ საერთაშორისო ვითარებაში", დასძინა მან.
აშშ-ის პრეზიდენტმა, დონალდ ტრამპმა 13 ივნისს ნორვეგიის და იაპონიის ტანკერებზე თავდასხმაში ირანი დაადანაშაულა და „ფოქს ნიუზს“ უთხრა, რომ ირანის დანაშაული მხილებულია და ისლამური რესპუბლიკის მიმართ უფრო მკაცრი სანქციების დაწესებისკენ მოწოდებით გამოვიდა.
ერთი დღით ადრე აშშ-ის სახელმწიფო მდივანმა, მაიკ პომპეომ განაცხადა, რომ აშშ-ის დასკვნით, ირანია თავდასხმებისთვის პასუხისმგებელი. აშშ-ის არმიამ გაავრცელა ვიდეო ჩანაწერი, რომელზეც, არმიის შეფასებით, ირანის რევოლუციური გვარდიის საპატრულო გემის სამხედროები აუფეთქებელ ნაღმს ხსნიან ერთ-ერთი გემის გარე კედლიდან თავდასხმის შემდეგ.
ირანმა განაცხადა, რომ ვიდეო ჩანაწერი არაფერს ასაბუთებს.