„ევროპული საქართველოს“ წევრებმა საკრებულოს შენობის აივნიდან პროდასავლური ბანერი გადმოფინეს

პარტია „ევროპული საქართველოს“ წარმომადგენლებმა, 15 ივნისს თბილისში, თავისუფლების მოედანზე საკრებულოს შენობის აივნიდან გადმოფინეს ბანერი წარწერით - „NATO აქაურობას“ .

ცნობას ავრცელებს სააგენტო „ინტერპრესნიუსი“, რომელსაც მოჰყავს პარტიის წარმომადგენლის, თამარ კაკაბაძის სიტყვები, რომ საქართველოში მოსახლეობის უმრავლესობის ნებაა,  საქართველო გახდეს ნატო-სა და ევროკავშირის წევრი, და სწორედ ამ მიზეზით გამოფინეს მათ დროშა აივნიდან. 

„ევროპული საქართველოს“ აქცია „პატრიოტთა ალიანსის“ აქციის პარალელურად იმართება. კაკაბაძის თქმით, ,„პატრიოტთა ალიანსს“ აქვს გამოხატვის თავისუფლება, თუმცა ამ უფლებით მისი პარტიაც სარგებლობს და არავითარ პროვოკაციას არ აქვს ადგილი.

„საქართველოს პატრიოტთა ალიანსი" დავით გარეჯის გარშემო განვითარებულ მოვლენებთან დაკავშირებით „თავისუფლების მოედანზე“ მართავს აქციას. 

პატიის ლიდერების განცხადებით, აქციის მთავარი მიზანია, საქართველოსა და აზერბაიჯანის  ხელისუფლებმა დაინახონ, რომ ქართველი ხალხი დავით გარეჯის დათმობას არ აპირებს. ამასთან, პარტიის ლიდერებმა აქციაზე სხვა საკითხებზეც, მათ შორის "სამართლიანობის აღდგენაზე" ილარპარაკეს.