დაღესტანში რეპორტიორს „საფინანსო ტერორიზმში“ დასდეს ბრალი
რუსეთის რესპუბლიკა დაღესტნის დამოუკიდებელი გაზეთის რეპორტიორს ბრალი დასდეს „საფინანსო ტერორიზმში“. მისი რედაქტორის თქმით, ბრალდება აბსურდულია.
აბდულმუმინ გაჯიევს ბრალად დასდეს ექსტრემისტული "ისლამური სახელმწიფოსთვის" თანხების შეგროვებაში დახმარების გაწევა. ამის თაობაზე ინფორმაცია 14 ივნისს გაავრცელა მისმა ადვოკატმა, არსენ შაბანოვმა.
მისი თქმით, გამომძიებლები ჟურნალისტის დაკითხვას ამზადებენ. გაჯიევი გაზეთ „ჩერნოვიკის“ თანამშრომელია. პოლიციამ გაჯიევის სახლი გაჩხრიკა და კომპიუტერები და მობილური ტელეფონები წაიღო. გაზეთის რედაქტორებმა განცხადება გაავრცელეს და ბრალდება უარყვეს, ისინი ამ საქმეს ადარებენ საგამოძიებო ჟურნალისტის, ივან გოლუნოვის საქმეს.