მაშველებმა სვანეთიდან მთაში ჩარჩენილი ოთხი ტურისტი ჩამოიყვანეს
საგანგებო სიტუაციების მართვის სამსახურის ინფორმაციით, დღეს, 15 ივნისს მესტიაში, ხალდეს მთაში მეხანძრე-მაშველები დაეხმარნენ საფრთხეში ჩავარდნილ ერთი ფრანგ და სამ გერმანელ ტურისტს.
საგანგებო სიტუაციების მართვის სამსახურის ფეისბუკის გვერდზე გავრცელებული ინფორმაციის თანახმად, ოპერატიულ მართვის ცენტრში შევიდა შეტყობინება, რომ ტურისტები მთიდან ჩამოსვლას ვერ ახერხებდნენ, რადგან ერთ მათგანს ფეხი ჰქონდა დაშავებული.
ადგილზე გაწეული პირველადი სამედიცინო დახმარების შემდეგ ტურისტი საავადმყოფოში გადაიყვანეს, სადაც მას შესაბამისი მკურნალობა უტარდება.
მეხანძრე-მაშველებმა დანარჩენი ტურისტებიც უსაფრთხო ადგილას გადაიყვანეს. გავრცელებული ინფორმაციის თანახმად, ისინი ახლა თავს კარგად გრძნობენ.