სასულიერო სემინარიისა და აკადემიისთვის გადარიცხული 170 000 ლარი რეფორმებს მოხმარდება
შესაბამისი ბრძანება საქართველოს მთავრობის ადვინისტაციის ვებ-ბვერდზე გვერდზე გამოქვეყნდა და პრემიერ-მინისტრი მამუკა ბახტაძე აწერს ხელს. ბრძანება 11 ივნისით თარიღდება.
როგორც განათლების სამინისტროში განუმარტეს რადიო თავისუფლებას, ეს თანხა მოხმარდება სემინარიასა და აკადემიაში დაგეგმილ რეფორმებს, რათა ავტორიზაციის სტანდარტები დაკმაყოფილდეს.
„საქართველოს სამოციქულო ავტოკეფალიური მართლმადიდებელი ეკლესიის თბილისის სასულიერო აკადემია და სემინარიაში (შემდგომში - სასულიერო აკადემია) დაწყებულია რეფორმები, რომელმაც უნდა დააკმაყოფილოს ავტორიზაციის სტანდარტების მოთხოვნები. შესაბამისად, აკადემიის მიმდინარე წლის ფინანსური რესურსის უდიდესი ნაწილი მობილიზებულ იქნა სხვადასხვა მიმართულებით ღონისძიებების დასაფინანსებლად, მათ შორის ინფრასტრუქტურა და აღჭურვა. საგულისხმოა, რომ რეფორმის ფარგლებში ასევე, ხორციელდება სტრუქტურული რეორგანიზაცია, რაც დაკავშირებულია ფინანსებთან, რის საშუალებაც სასულიერო აკადემიასა და სემინარიას ამ ეტაპზე არ გააჩნია“,- წერია განათლების სამინისტროს მიერ მოწოდებულ ინფორმაციაში.